98 فیصد ریوینیو دینے والے کراچی کو پیپلز پارٹی نے کیا دیا؟ حافظ نعیم الرحمٰن

امیرِ جماعتِ اسلامی کراچی حافظ نعیم الرحمٰن—فائل فوٹو

امیرِ جماعتِ اسلامی کراچی حافظ نعیم الرحمٰن نے سوال کیا ہے کہ 98 فیصد ریوینیو کراچی دیتا ہے لیکن پیپلز پارٹی نے اس شہر کو کیا دیا؟

پریس کانفرنس کرتے ہوئے امیرِ جماعتِ اسلامی کراچی حافظ نعیم الرحمٰن نے کہا کہ ریڈ لائن پراجیکٹ کے باعث یونیورسٹی روڈ پر ٹریفک جام ہے، گلشنِ اقبال اور گلستانِ جوہر کے لاکھوں رہائشیوں کو مسائل کا سامنا ہے، 121 ارب روپے عوام کے پیسے ہیں۔

ان کا کہنا ہے کہ نا اہلی کے ساتھ کرپشن پیپلز پارٹی کا وتیرہ ہے، ناصر حسین کہتے ہیں کہ بلاول کے وژن کے مطابق عوام کی خدمت کریں گے، مرتضیٰ وہاب جس سڑک پر کام کرتے تھے ہفتے بعد سڑک ہی غائب ہو جاتی تھی، ٹریفک پولیس کی نااہلی کی وجہ سے ٹریفک جام رہتا ہے۔

حافظ نعیم الرحمٰن نے کہا کہ ٹریفک پولیس میں مقامی لوگ نہ ہونے کی وجہ سے ٹریفک کنٹرول سے باہر ہے، سیاسی بنیادوں پر بھرتیاں کی گئی ہیں، آئین میں تحریر ہے کہ بلدیاتی الیکشن کرانے ہیں، کراچی، حیدر آباد پر اس وقت قبضہ سسٹم ہے، آپ کے تمام تر فیصلے عوام و آئین دشمن ہیں۔

انہوں نے کہا کہ اس وقت محض عہدوں کی جنگ کے علاوہ کچھ بھی نہیں ہے، اس وقت پیپلز پارٹی اور ایم کیو ایم کی مشترکہ حکومت ہے، پیپلز پارٹی اور ایم کیو ایم چاہتی ہیں کہ بلدیاتی الیکشن نہ ہوں، گورنر ہاؤس اس وقت سازش کا اڈا بنا ہوا ہے، کیا مصطفیٰ کمال بھی اسی ایم کیو ایم کے ساتھ بیٹھیں گے؟

امیرِ جماعتِ اسلامی کراچی نے کہا کہ کراچی کے لوگوں کے لیے ہر ادارے کے دروازے بند کر دیے گئے ہیں، محکموں میں رشوتیں لے لے کر لوگوں کو بھرتی کیا جا رہا ہے، پیپلز پارٹی کہتی ہے کہ آئین کے متصادم کوئی کام نہیں کرتی، بلدیاتی انتخابات نہ کرانا کیا آئین سے متصادم نہیں؟

ان کا کہنا ہے کہ پیپلز پارٹی نے پورے سندھ میں قبضہ سسٹم نافذ کیا ہوا ہے، ایس بی سی اے، واٹر بورڈ، کے ایم سی پر پیپلز پارٹی کا قبضہ ہے، اس سے ایم کیو ایم کی فرمائش ہے کہ ہماری وزارتیں بڑھا دو، پیپلز پارٹی کراچی کو بااختیار بنانا ہی نہیں چاہتی، پیپلز پارٹی کی جبلت ایسی ہو گئی ہے کہ وہ جمہوریت اور عوام دشمن بن چکی ہے۔

حافظ نعیم الرحمٰن کا یہ بھی کہنا ہے کہ کراچی کے ساتھ یہ اسلام آباد میں بھی بلدیاتی الیکشن نہیں کرانا چاہتے، جمہوریت کی چیمپئن اس وقت الیکشن سے بھاگ رہی ہے، ایڈمنسٹریٹرز کی تعیناتی سے متعلق الیکشن کمیشن کو آگاہ کرنے کے بعد بھی کارروائی نہیں کی گئی، اگر الیکشن کمیشن نے کردار ادا نہیں کیا تو عدالت جائیں گے، الیکشن کمیشن کو عمل داری ثابت کرنی ہو گی، اسٹریٹ کرائم اس وقت کراچی میں بے قابو ہے۔

قومی خبریں سے مزید

Original Article

خیبرپختونخوا کا وزیرِ اعلیٰ لاہور میں ڈیوٹی دے رہا ہے، مرتضیٰ وہاب

ٹوکیو: میاں محمد نواز شریف کی سالگرہ کی تقریب کا انعقاد

’اب تو میرے بچوں کی شادی کی عمر ہے‘، ریحام کا پرانا بیان وائرل

خارجہ ماحول ٹھیک کرنے پر سراہنے کی بجائے تنقید کی جارہی ہے، قمر زمان کائرہ

آئندہ سال کتنی عام تعطیلات، اختیاری چھٹیاں ہونگی؟ نوٹیفکیشن جاری

صدرِ مملکت ڈاکٹر عارف علوی سے غلط بیان منسوب کیا گیا: اعلامیہ

نواز، زرداری، گیلانی کیخلاف توشہ خانہ ریفرنس نیب واپس بھجوانے کا تفصیلی فیصلہ جاری

عمران خان نے آج معاشی ماہرین کا اجلاس طلب کر لیا

کراچی: سپر ہائی وے پر رینجرز سے مقابلہ ، بدنام افغان ڈاکو مارا گیا

پولی گرافک ٹیسٹ کے مطابق عمران خان پر حملے کے ملزم نوید نے جھوٹ بولا: عمر سرفراز

عمران خان پر حملہ کرنیوالے ایک سے زائد تھے: مصدق عباسی

پوری قوم شہداء کو خراج عقیدت پیش کرتی ہے، فیاض الحسن چوہان

عامر لیاقت کی سابقہ اہلیہ دانیہ شاہ کو پیش نہ کرنے پر نوٹسز جاری

کسی پاکستانی شہری پر یو اے ای کے ویزے کی پابندی نہیں: قونصل جنرل امارات

ن لیگ ہمیشہ وعدہ خلافی کرتی ہے: کامل علی آغا

شوہر کی ٹرولنگ کرنے پر ریحام خان نے خاتون صارف کو آڑے ہاتھوں لے لیا