Categories
Breaking news

31 دسمبر کو سندھ اسمبلی کے باہر دھرنا دیا جائے گا، حافظ نعیم الرحمٰن

فائل فوٹو
فائل فوٹو

امیر جماعت اسلامی کراچی حافظ نعیم الرحمٰن کا کہنا ہے کہ 31 دسمبر کو سندھ اسمبلی کے باہر دھرنا دیا جائے گا، عوام کی طاقت سے کالے قانون کو واپس لینے پر مجبور کریں گے۔

ایک بیان میں امیر جماعت اسلامی کراچی کا کہنا تھا کہ جماعت اسلامی کالے قانون کو کسی صورت میں قبول نہیں کرے گی، ایک مرتبہ پھر کراچی میں سندھی اور مہاجر کی تفریق پیدا کی جارہی ہے۔

انہوں نے مزید کہا کہ جماعت اسلامی لسانیت و عصبیت پھیلانے کی سازش کامیاب نہیں ہونے دے گی، آل پارٹیز کانفرنس کرنے والے سڑکوں پر احتجاج کیوں نہیں کرتے؟

سندھ اسمبلی میں بلدیاتی نظام سے متعلق ترمیمی بل 2021 کثرت رائےسے منظور

لوکل گورنمنٹ ترمیمی بل2021 کے مطابق کراچی سمیت سندھ کے بڑے شہروں میں کارپوریشنز اور ٹاونز کا نظام ہو گا۔ یونین کمیٹیز کےوائس چیئرمینز ٹاؤن میونسپل کونسل کےرکن ہوں گے۔

ان کا یہ بھی کہنا تھا کہ وزیر اعظم نے گرین لائن کا افتتاح تو کیا لیکن آج تک بسیں نہیں چلائیں گئیں، 2005ء میں آخری بار پانی کا منصوبہ بنایا گیا تھا۔

حافظ نعیم الرحمٰن نے کہا کہ 16سال میں آج تک پانی کی ایک بوند میں بھی اضافہ نہیں کیا گیا ہے۔

قومی خبریں سے مزید

Original Article

Leave a Reply

Your email address will not be published.