Categories
Breaking news

2 نون لیگی اراکینِ پنجاب و کے پی اسمبلی کا استعفیٰ

Advertisement
2 نون لیگی اراکینِ پنجاب و کے پی اسمبلی کا استعفیٰ جمع

اپوزیشن اتحاد پاکستان ڈیموکریٹک موومنٹ (پی ڈی ایم) کی قیادت کے حکم پر اراکینِ قومی و صوبائی اسمبلی کی جانب سے اپنے استعفے اپنی قیادت کو جمع کرانے کا سلسلے جاری ہے۔

مسلم لیگ نون سے تعلق رکھنے والے پنجاب اور خیبر پختون خوا کے مزید 2 اراکینِ صوبائی اسمبلی نے اپنے استعفے جمع کرا دیئے ہیں۔

ایک اور رکنِ نون لیگ نے استعفیٰ جمع کر ا دیا

اپوزیشن اتحاد پاکستان ڈیموکریٹک موومنٹ (پی ڈی ایم) کی حکومت مخالف تحریک جاری ہے جس کے تحت مسلم لیگ نون کی ایک اور رکن نے اپنا استعفیٰ پارٹی قیادت کو بھجوا دیا۔

x
Advertisement

ملتان سے تعلق رکھنے والے مسلم لیگ نون کے رکنِ صوبائی اسمبلی رانا اعجاز نون نے اپنا استعفیٰ قیادت کو بھجوا دیا، رانا اعجاز نون پی پی 221 سے رکنِ پنجاب اسمبلی منتخب ہوئے تھے۔

ادھر خیبر پختون خوا اسمبلی میں مسلم لیگ نون کے پارلیمانی لیڈر سردار اورنگزیب نلوٹھا نے اپنا استعفیٰ اسپیکر مشتاق غنی کو جمع کرا دیا۔

یہ بھی پڑھیے

اسمبلی سیکریٹریٹ کی جانب سے جواب میں ایم پی اے اورنگزیب نلوٹھا کو اسپیکر آفس میں 7 روز میں رپورٹ کرنے کا کہا گیا ہے، جس کے بعد ہی ان کا استعفیٰ منظور کیا جائے گا۔

سردار اورنگزیب نلوٹھا نے استعفیٰ دینے کی وجہ ملک میں مہنگائی اوربدامنی بتائی ہے، ان کا کہنا ہے کہ نااہل حکمرانوں کو اب واپس جانا چاہئیے، سردار نلوٹھا حلقہ پی کے 37 سے منتخب ہوئے تھے۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *