Categories
Breaking news

ہندوستان کشمیریوں پر بندوقیں تان کر اے پی سی بلا رہا ہے، مشعال ملک

ہندوستان کشمیریوں پر بندوقیں تان کر اے پی سی بلا رہا ہے، مشعال ملک

کشمیری رہنما مشعال ملک نے کہا ہے کہ کشمیریوں کے اصل رہنما جیل میں ہیں اور ہندوستان کشمیریوں پر بندوقیں تان کر آل پارٹیز کانفرنس (اے پی سی) بلا رہا ہے۔

حریت رہنما یاسمین ملک کی اہلیہ مشعال ملک نے مودی کی جانب سے بلائی گئی اے پی سی پر تبصرہ کرتے ہوئے کہا کہ نریندر مودی ہر روز نیا ڈرامہ پرفارم کرتے ہیں اور آج مودی کو اچانک کشمیر کی یاد آ گئی۔

انہوں نے کہا کہ مودی نے آرٹیکل 370 اور 35 اے کو ختم کر کے کشمیریوں کا بنیادی حق چھین لیا۔ اب کشمیریوں کے اصل رہنما جیل میں بند ہیں لیکن ہندوستان کشمیریوں پر بندوقیں تان کر اے پی سی بلا رہا ہے۔

مشعال ملک نے کہا کہ کشمیر کی تحریک کے اصل رہنماؤں کو جیل میں قید کر کے تشدد کیا جا رہا ہے اور عوام کو گھروں میں یرغمال بنایا ہوا ہے جس کے بعد اے پی سی بلانے کا مقصد سمجھ سے باہر ہے۔

یہ بھی پڑھیں: مقبوضہ کشمیر پر مودی کی زیرقیادت اے پی سی آج ہوگی

انہوں ںے کہا کہ مودی کیا سمجھتے ہیں دنیا اندھی، بہری، گونگی ہوگئی ہے کیا وہ نہیں سمجھتے کہ ہندوستان کی سرکار نے دو سال قبل مقبوضہ کشمیر کو قبرستان بنانے کا منصوبہ بنایا ہوا تھا۔ اس طرح اے پی سی بلانا سال کا سب سے بڑا مذاق ہے۔

Leave a Reply

Your email address will not be published. Required fields are marked *