امیرِ جماعت اسلامی پاکستان سینیٹر سراج الحق نے کہا ہے کہ ہزار دن میں کچھ نہ کرنے کا اعتراف ناکامی ہے۔

لاہور سے جاری بیان میں سراج الحق نے کہا کہ پیسوں والی ویڈیو میں جس نے پیسے لیے اُن کے چہرے سامنے آگئے، جس نے رشوت کے پیسے جمع کرکے خریداری کروائی اُن کے نام سامنے نہیں آئے ہیں۔

انہوں نے کہا کہ اگر اُس وقت کے وزیراعلیٰ پرویز خٹک اور اسپیکر ہاؤس میں پیسوں کا لین دین ہوا تو اُس میں دو لوگ شامل نہیں۔

امیر جماعت اسلامی نے مزید کہا کہ لین دین اور کرپشن میں پورا ٹبر چور ہے، حکومت روز عوام کو مہنگائی کا کرنٹ لگاتی ہے اور عوام کی چیخیں نکلتی ہیں۔

اُن کا کہنا تھا کہ وزیر اعظم نے اعتراف کیا کہ تبدیلی کے لیے 5 سال کم ہیں جبکہ پہلے عمران خان نے تبدیلی کے لیے 100 دن اور پھر 6 ماہ کہے تھے۔

Table of Contents