ہر ادارے نے ریئل اسٹیٹ کا بزنس کھولا ہوا ہے: چیف جسٹس IHC

چیف جسٹس اسلام آباد ہائی کورٹ اطہر من اللّٰہ—فائل فوٹو

اسلام آباد ہائی کورٹ میں پولیس آرڈر پر عمل نہ ہونے کے خلاف درخواست کی سماعت کے دوران چیف جسٹس اطہر من اللّٰہ نے ریمارکس میں کہا ہے کہ ہر ادارے نے ریئل اسٹیٹ کا بزنس کھولا ہوا ہے۔

دورانِ سماعت چیف جسٹس اسلام آباد ہائی کورٹ اطہر من اللّٰہ نے کہا کہ کس طرح قبضے ہوتے ہیں اور کس طرح لوگوں کو اٹھاتے ہیں، پٹواری اور ایس ایچ او کی مرضی کے بغیر قبضہ ہو ہی نہیں سکتا، آپ کورٹ کو تجویز دے دیں کہ عدالت کیا کرے؟

انہوں نے کہا کہ اداروں نے اپنے نام سے سوسائٹیاں بنائی ہوئی ہیں، وزارتِ داخلہ کی بھی سوسائٹی ہے، اس سے بڑا مفادات کا ٹکراؤ اور کیا ہو سکتا ہے؟ 2015ء کے پولیس آرڈر پر عمل نہیں کیا جا رہا، عدالت نے بڑی مشکل سے کچہری شفٹ کرنے کی کوشش کی، وزیرِ اعظم کو اس کا کریڈٹ جاتا ہے۔

چیف جسٹس اطہر من اللّٰہ نے کہا کہ غریب آدمی کے لیے فیصلہ آتا ہے تو میڈیا بھی رپورٹ نہیں کرتا، بڑے آدمی کو کچھ ہو جائے تو پوری مشینری وہاں پہنچ جاتی ہے، ہر آفیشل آتا ہے اور سمجھتا ہے کہ بس یہ آئی واش ہے، اس عدالتی آرڈر کی کاپی سب کے پاس گئی مگر کسی نے نہیں پڑھی ہو گی۔

انہوں نے کہا کہ مجھے یقین ہے کہ سیکریٹری داخلہ نے بھی یہ عدالتی فیصلہ نہیں پڑھا ہو گا، یہاں پیش ہونے والے تفتیشی افسران کو تحقیقات کا بالکل علم نہیں ہوتا، عدلیہ بدنام ہوتی ہے کہ 136 میں سے 130 نمبر پر آ گئی ہے، زمین نہیں ہوتی مگر سوسائٹی بناتے ہیں، قبضے کرتے ہیں، قبضہ مافیا کو تحفظ دیتے ہیں۔

چیف جسٹس اسلام آباد ہائی کورٹ نے کہا کہ ڈپٹی کمشنر بھی بے بس ہیں، ایک قیدی نے 4 صفحات کا خط لکھا کہ جیلوں کے اندر سے جرائم ہو رہے ہیں، جو ہو رہا ہے وہ قابلِ قبول نہیں، بالخصوص اس معاشرے میں جس ملک کا آئین بھی ہو۔

چیف جسٹس اطہر من اللّٰہ نے یہ بھی کہا کہ ایف آئی اے اور انٹیلی جنس بیورو سمیت پولیس نے اپنی ہاؤسنگ سوسائٹیاں بنا رکھی ہیں، 60 سال پہلے جن سے زمینیں لی ہیں انہیں آج تک ادائیگی نہیں کی گئی اور کوئی سننے والا نہیں۔

اس موقع پر اٹارنی جنرل نے عدالت کو بتایا کہ کابینہ نے منظوری دی ہے، نیا پولیس ایکٹ جلد نافذ ہو جائے گا۔

قومی خبریں سے مزید

Original Article

سعودی عرب سے کراچی آنے والے 5 مسافروں کا کورونا ٹیسٹ مثبت آگیا

وفاقی کابینہ کے خصوصی اجلاس کی اندرونی کہانی سامنے آگئی

ڈیپلو کرپشن کیس: ملزمان کی ضمانت عبوری سے حفاظتی میں تبدیل

تھر: نایاب ہرن کا شکار، 1 ملزم گرفتار

صحافیوں پر فردِ جرم عائد کرنے کا فیصلہ، کراچی پریس کلب کا احتجاج

عمران صاحب ایک بار پھر جھوٹے ثابت ہوگئے، مریم اورنگزیب

بھارت ظلم سے کشمیریوں کو غلام بنا سکا، نہ بنا سکے گا: شہباز شریف

وزیر اعلی پنجاب نے وزرا ءکو بلدیاتی انتخابات کیلئے ذمہ داریاں سونپ دیں

اپوزیشن عوام کو گمراہ کرنے کی کوشش کر رہی ہے، فیصل جاوید

نوازشریف کیلئے یہی سن رہے ہیں کہ آج آرہے ہیں، کل آ رہے ہیں، وزیراعظم عمران خان

کراچی، قتل کی واردات میں ملوث ٹک ٹاکرز گرفتار

وفاقی کابینہ نےمنی بجٹ کی منظوری دےدی

کراچی آنے والی خیبر میل ایکسپریس کو میاں چنوں کے قریب حادثہ

کے پی میں PTI کو دوسرے مرحلے میں بھی شکست دیں گے، سردار یوسف

کراچی: طارق روڈ تجاوزات، 24 گھنٹوں میں انخلاء کا نوٹس

ایکسپورٹرز اور کسٹم حکام کے درمیان مذاکرات کامیاب