Categories
Breaking news

ہرنائی: چیک پوسٹ پر دہشتگردوں کا حملہ، 7 اہلکار شہید

 ہرنائی: چیک پوسٹ پر دہشتگردوں کا حملہ، 7 اہلکار شہید

Advertisement

بلوچستان کےضلع ہرنائی میں قانون نافذ کرنے والے اداروں کی چیک پوسٹ پر مسلح دہشت گردوں کے حملے کے دوران 7 اہلکار شہید جبکہ 6 زخمی ہو گئے۔

بلوچستان کے وزیرِ اعلیٰ جام کمال خان نے حملے میں 7 سیکیورٹی اہلکاروں کے جاں بحق ہونے پر گہرے دکھ اور افسوس کا اظہار کرتے ہوئے دہشت گردی کے واقعات میں ملوث عناصر کو کیفرِ کردار تک پہنچانے کے عزم کا اظہار کیاہے۔

Table of Contents

x
Advertisement

سیکیورٹی ذرائع کے مطابق ہرنائی کے علاقے شاہرگ میں ہفتے اور اتوار کی درمیانی شب زلان تنگی کے مقام پر نامعلوم مسلح افراد نے قانون نافذ کرنے والے ادارے کی چیک پو سٹ پر حملہ کر دیا تھا۔

حملہ آوروں نے ہلکے اور بھاری ہتھیاروں کا استعمال کیا جس کے نتیجے میں 7 اہلکاروں نے جامِ شہا دت نوش کیا جبکہ 6 اہلکار زخمی ہوئے۔

واقعے کے بعد مزید نفری نے موقع پر پہنچ کر علاقے کو گھیرے میں لے لیا اور حملے میں جاں بحق ہونے والوں کی لاشوں اور زخمیوں کو مقامی اسپتال منتقل کر دیا۔

دوسری جانب وزیرِ اعلیٰ بلوچستان جام کمال خان نے حملے میں 7 سیکیورٹی اہلکاروں کے جاں بحق ہونے پر گہرے دکھ اور افسوس کا اظہار کرتے ہوئے کہنا کہ دہشت گرد حملوں سے ہمارے حوصلے پست نہیں ہو سکتے۔

انہوں نے کہا کہ بہادر سیکیورٹی فورسز وطن کا دفاع اور دہشت گردوں کا مقابلہ کرنا جانتی ہیں، شہیدوں کا خون رائیگاں نہیں جائے گا، سیکیورٹی فورسز ملک کے دفاع میں قیمتی جانوں کا نذرانہ پیش کر رہی ہیں، ہم سب کو ان پر فخر ہے، ہم شہید ہونے والے اہلکار کے خاندان کے غم میں برابر کے شریک ہیں۔

وزیرِ اعلیٰ بلوچستان نے حملے میں زخمی سیکیورٹی اہلکاروں کی جلد صحت یابی کے لیے دعا بھی کی ہے۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *