Categories
Breaking news

گھر میں کام کاج کے دوران جنات کی آمد ہوئی، سر میں کیل والی خاتون کا بیان

گھر میں کام کاج کے دوران جنات کی آمد ہوئی، سر میں کیل والی خاتون کا بیان

خیبر پختونخوا کے شہر پشاور میں خاتون کے سر میں کیل ٹھوکنے کے معاملے پر مزید پیشرفت سامنے آئی ہے، متاثرہ خاتون باز گلہ نے کہا کہ مجھے جنات کے اثرات کی شکایت ہے، گھر میں کام کاج کے دوران جنات کی آمد ہوئی۔

سر میں کیل والی خاتون کا پولیس کو دیا گیا تحریری بیان جیو نیوز کو موصول ہوگیا۔

متاثرہ خاتون باز گلہ کا کہنا ہے کہ گھر میں کام کاج کے دوران جنات کی آمد ہوئی، مجھے جنات کے اثرات کی شکایت ہے، کمرے کے سامنےگری تو میرے سر میں کیل لگی اور زخمی ہوگئی۔

سر میں کیل ٹھوکنے کا معاملہ: خاتون کا ماہر نفسیات سے طبی معائنہ کروایا گیا

ہارون الرشید نے کہا کہ حال ہی میں متاثرہ خاتون کا والد بھی فوت ہوا ہے، خاتون کو ڈاکٹر نے دو ہفتے بعد دوبارہ چیک اپ کروانے کا مشورہ دیا ہے۔

خاتون نے کہا کہ کسی شخص نے میرے سر میں کیل نہیں ٹھوکی، کسی کےخلاف کوئی دعویٰ نہیں ہے۔

سینیئر سپرنٹنڈنٹ آف پولیس (ایس ایس پی) آپریشنز ہارون الرشید کے مطابق خاتون کا ماہر نفسیات سے طبی معائنہ کروایا گیا ہے، میڈیکل چیک اپ کے مطابق خاتون ڈپریشن کی مریضہ ہے۔

ایس ایس پی آپریشنز کا کہنا ہے کہ حال ہی میں متاثرہ خاتون کے والد کا انتقال ہوا ہے جبکہ خاتون کو ڈاکٹر نے دو ہفتے بعد دوبارہ چیک اپ کروانے کا مشورہ دیا ہے، متاثرہ خاتون کا سال 2017 سے علاج چل رہا ہے۔

واضح رہے کہ سر میں کیل ٹھوکے جانے سے زخمی ہونے والی مذکورہ خاتون بازگلہ کو لیڈی ریڈنگ اسپتال لایا گیا تھا جہاں اس کے سر سے سرجری کے ذریعے کیل نکالی گئی تھی۔

قومی خبریں سے مزید

Original Article

Leave a Reply

Your email address will not be published.