گوجرانوالہ میں دو خواجہ سراؤں کے قتل کا مقدمہ پولیس نے نامعلوم افراد کیخلاف درج کرلیا، مقدمہ مقتول خواجہ سراء شہزاد کے والد کی مدعیت میں درج کیا گیا، دونوں خواجہ سراؤں کو گزشتہ رات گھر میں فائرنگ کر کے قتل کیا گیا۔

سی پی او گوجرانوالہ سرفراز فلکی کے مطابق خواجہ سراؤں کے قتل کے واقعے کی تحقیقات جاری ہیں، ایس پی سٹی کی زیر نگرانی ٹیم کو قاتلوں کی گرفتاری کا ٹاسک دیا گیا ہے ۔

انہوں نے بتایا کہ ابتدائی تحقیقات کے مطابق خواجہ سراء کرائے کے مکان میں موجود تھے، موٹر سائیکل پر سوار ملزمان آئے اور گھر میں گھس کر فائرنگ کرکے خواجہ سراؤں کو قتل کیا، اس دوران گھر سے گانے بجانے کی آوازیں بھی سنائی دیتی رہیں ۔

دوسری طرف تحریک تحفظ خواجہ سراء ایسوسی ایشن کی صدر نے واقعے پر احتجاج کرتے ہوئے ملزمان کی فوری گرفتاری کا مطالبہ کیا ہے۔

قومی خبریں سے مزید