گوجرانوالہ، طالبہ نے ڈاکو سے پستول چھین کر ڈکیتی کی کوشش ناکام بنادی

گوجرانوالہ کے علاقے گلشن کالونی میں یونیورسٹی کی طالبہ نے بہادری کا مظاہرہ کرتے ہوئے ڈاکو سے اسلحہ چھین کر ڈکیتی کی کوشش ناکام بنادی۔

طالبہ یونیورسٹی بس کا انتظار کر رہی تھی کہ اس دوران مسلح ڈاکوؤں نے اس سے پرس چھیننے کی کوشش کی۔

طالبہ نے مزاحمت کرتے ہوئے ملزم سے پستول چھین لی، اس دوران شہری بھی موقع پر جمع ہوگئے۔

دونوں ڈاکوؤں کو پولیس کے حوالے کردیا گیا ہے، جن کے خلاف مقدمہ درج کرلیا گیا ہے۔

واقعے کی سامنے آنے والی ویڈیو میں دیکھا جاسکتا ہے کہ طالبہ ملزمان سے کہتی ہے کہ تم لوگوں کو لگتا ہے کہ لڑکیاں کمزور ہوتی ہیں۔

طالبہ ویڈیو میں ملزم سے چھینی گئی پستول بھی دکھاتی ہے۔

قومی خبریں سے مزید

سکھر حیدرآباد موٹروے اسکینڈل پر ایکشن لیا ہے، ناصر شاہ