گلگت میں 9 اور 10 اپریل کو مکمل لاک ڈاؤن ہوگا

گلگت انتظامیہ نے 9 اور 10 اپریل کو مکمل لاک ڈاؤن کرنے کا اعلان کیا ہے۔

اعلامیے کے مطابق مکمل لاک ڈاؤن کا فیصلہ کورونا کے پھیلاؤ کو روکنے اور عوام کے مفاد میں کیا گیا ہے۔

Table of Contents

x
Advertisement

ڈپٹی کمشنر گلگت کا کہنا ہے کہ مکمل لاک ڈاؤن کے دوران تعاون کریں اور گھروں سے ہرگز باہر نہ نکلیں۔

ڈپٹی کمشنر گلگت نے کہا کہ مکمل لاک ڈاؤن میں اشیائے ضروریہ کی دکانوں سمیت ہر قسم کا کاروبار بند رہے گا۔

انہوں نے کہا کہ مقررہ تاریخوں میں لاک ڈاؤن کے دوران ہر طرح کی نقل و حرکت پر بھی مکمل پابندی ہوگی۔

واضح رہے کہ ملک میں کورونا وائرس کے متاثرین کی تعداد 4 ہزار 183 ہوگئی، 24 گھنٹوں کے دوران 4 افراد جان کی بازی ہار گئے۔

ملک میں کورونا وائرس سے جاں بحق ہونے والوں کی تعداد 58 ہوگئی ہے۔

پنجاب میں سب سے زیادہ یعنی 2 ہزار 132 کورونا وائرس کے کیسز سامنےآچکے ہیں۔

سندھ میں 932 جبکہ خیبرپختونخوا میں اب تک 500 افراد میں کورونا وائرس کی تشخیص سامنےآئی ہے۔

گلگت بلتستان میں 211 اور بلوچستان میں 202 کیسز سامنے آچکے ہیں، اسی طرح اسلام آباد 83 اور آزاد کشمیر میں اب تک 28 افراد کورونا وائرس سے متاثر ہوئے ہیں۔

ملک بھر میں 24 گھنٹے کے دوران مزید 3 ہزار 76 ٹیسٹ کیے گئے جبکہ مجموعی طور پر 42 ہزار 159 افراد کو ٹیسٹنگ کے مرحلے سے گزارا جاچکا ہے۔

قومی خبریں سے مزید