گرین لائن کا 3 ماہ کا کام ساڑھے 3 سال میں مکمل ہوا: شاہد خاقان عباسی

مسلم لیگ نون کے رہنما، سابق وزیرِ اعظم شاہد خاقان عباسی کا کہنا ہے کہ کراچی کے عوام کو مبارک باد کہ وزیرِ اعظم عمران خان گرین لائن کا افتتاح کرنے آ رہے ہیں، گرین لائن کا 3 ماہ کا کام ساڑھے 3 سال میں مکمل ہوا] وزیرِ اعظم سے پوچھنا چاہیےکہ جو کام 3 ماہ میں ہونا تھا اسے ساڑھے 3 سال کیوں لگ گئے۔

کراچی میں عدالت میں پیشی کے موقع پر میڈیا سے گفتگو کرتے ہوئے انہوں نے کہا کہ آج وہ وزیرِ اعظم افتتاح کرنے آ رہے ہیں جن کا اس پروجیکٹ سے کوئی تعلق نہیں، عمران خان کوئی 1 منصوبہ دکھا دیں جو انہوں نے شروع کیا ہو، ملک تب ترقی کرتا ہے جب قومی نوعیت کے منصوبے لگتے ہیں۔

سابق وزیرِ اعظم کا کہنا ہے کہ گرین لائن کے منصوبے کے پیسے وفاقی حکومت نے دیئے تھے، بسیں صوبائی حکومت نے خریدنی تھیں، عمران خان کو کسی نے بتایا نہیں، بسوں کا ٹینڈر دیا، منسوخ ہوا، وفاقی حکومت کا کون سا نمائندہ بسوں پر کمیشن مانگ رہا تھا؟

یہ بھی پڑھیے

• گرین لائن افتتاح کیلئے مجھے بلایا ہے، آنا کہاں ہے یہ نہیں بتایا، اویس شاہ
• چیئرمین نیب پر کیس ہوگا: شاہد خاقان عباسی

ان کا کہنا ہے کہ بسوں کی خریداری میں جو پلاٹ خریدے گئے سب کو پتہ ہے، ہم نے کل صرف بتانا تھا کہ منصوبہ کس کا تھا کس نے پیسے دیئے تھے، نئی ترمیم کا نہ حکومت کو پتہ ہے، نہ نیب کو اور نہ چیئرمین نیب جسٹس ریٹائرڈ جاوید اقبال کو۔

شاہد خاقان عباسی نے کہا کہ ہم تو کہتے ہیں کہ کیمرے لگائیں اور عدالتی کارروائی عوام کو دکھائیں، ہم تو چاہتے ہیں کہ لائیو دکھائیں، تاکہ لوگ دیکھیں کہ چیئرمین نیب سوالوں کا کیا جواب دیتے ہیں، آج پاکستان میں نہ جمہوریت ہے، نہ پارلیمان ہے، نہ اخلاقی اور جمہوری قدریں ہیں۔

ان کا کہنا ہے کہ جب سچ اور حق چھپایا جائے گا تو ملک نہیں چل سکتا، جب تک شفاف انتخاب نہیں ہو گا، ملک آگے نہیں بڑھ سکتا، آپ نے سیاستدانوں کے خلاف کون سے ریفرنس بنائے؟ ان ریفرنسز کی تفصیلات بھی عوام کے سامنے رکھیں، 1 بھی ایسا ریفرنس نہیں ہے جس میں کرپشن ہو۔

نون لیگی رہنما نے مزید کہا کہ سب کو جیل میں ڈالا گیا، کیا چیئرمین نیب کو عدالت میں کھڑا نہیں ہونا؟ جعلی ریفرنس بنا کر لوگوں کی زندگیوں سے کھیلا جا رہا ہے، ان کو جواب دینا پڑے گا، ایک چیئرمین نیب کو رکھنے کے لیے 2 ریفرنس جاری ہوئے، 6 اکتوبر کو چیئرمین نیب ریٹائر ہوئے لیکن گھر نہیں گئے۔

انہوں نے یہ بھی کہا کہ 2 ماہ کے بعد صدر نے اپوزیشن لیڈر کو خط لکھا ہے کہ چیئرمین کے نام دیں، بدنیتی یہ ہے کہ 2 ماہ گزر گئے ابھی تک مشاورت کا عمل شروع نہیں ہوا، جو مشاورت بد نیتی پر مبنی ہو گی تو اس کا کیا ہو گا؟ جو نام وزیرِ اعظم بھیجیں گے سب میں جاوید اقبال ہوں گے، کیا پاکستان میں قابل اور غیر متنازع کوئی شخص نہیں ہے؟

قومی خبریں سے مزید

• 

  وزیراعظم عمران خان ایک روزہ دورے پر کراچی پہنچ گئے

  وزیراعظم پاکستان عمران خان پاکستان ایئرفورس کے خصوصی طیارے میں وفاقی دارالحکومت اسلام آباد سے کراچی پہنچ گئے ہیں، وہ آج کراچی میں باقی کا مصروف ترین دن گزاریں گے۔

• 

  اسلام آباد: جھونپڑی کی رہائشی خاتون کی درخواست پر آپریشن روکنے کا حکم

  اسلام آباد ہائی کورٹ نے وفاقی دارالحکومت کے علاقے ای 11 کی جھونپڑی میں رہنے والی خاتون کی عارضی درخواست پر جھگیوں کے خلاف آپریشن روکنے کا حکم دے دیا۔

• 

  سابق ایم ڈی PSO کی غیر قانونی تعیناتی ریفرنس، سماعت ملتوی

  کراچی کی احتساب عدالت نے سابق ایم ڈی پی ایس او کی غیر قانونی تعیناتی سے متعلق ریفرنس کی سماعت آئندہ ماہ 10جنوری 2022ء تک ملتوی کر دی۔

• 

  پی پی 206 خانیوال کے ضمنی انتخابات: الیکشن کمیشن کا ہدایت نامہ جاری

  الیکشن کمیشن نے پی پی 206 خانیوال کے ضمنی انتخاب میں 14 اور15 دسمبرکی درمیانی شب انتخابی مہم روکنے کی ہدایت جاری کردی ہے۔

• 

  پاکستان: 13 کروڑ کورونا ویکسین ڈوزز لگ چکیں

  پاکستان میں کورونا وائرس کی چوتھی لہر کی شدت کم ہو رہی ہے، اس کے کیسز کے بعد اب اموات میں بھی کمی آ رہی ہے، ملک کورونا مریضوں کے حوالے سے مرتب کی گئی فہرست میں 34 ویں نمبر پر آ چکا ہے، جبکہ اب تک 13 کروڑ سے زائد اس کی ویکسین کی ڈوزز لگائی جا چکی ہیں۔

• 

  حکومت کا نام اعلان خان ہونا چاہئے، مرتضیٰ وہاب

  ایڈمنسٹریٹر کراچی اور ترجمان سندھ حکومت مرتضیٰ وہاب کاکہنا ہے کہ یہ اعلانات پر مبنی حکومت ہے، ان کا نام اعلان خان ہونا چاہئے،یہ بس سروس کو جنگلا بس سروس کہتے تھے اورآج یہ کسی اور حکومت کے منصوبوں کے فیتے کاٹ رہے ہیں۔

• 

  بزدار کا محکمۂ صحت کو ہمہ وقت چوکس رہنے کا حکم

  وزیراعلیٰ پنجاب عثمان بزدار نے کورونا وائرس کے اومی کرون سے بچاؤ کے حوالے سے محکمہ صحت کے حکام کو ہمہ وقت چوکس رہنے کا حکم دے دیا۔

• 

  لاہور:رقم چوری کرکے فیکٹری جلانے والا ملزم پکڑا گیا

  لاہور میں راوی روڈ کے علاقے میں کیمیکل فیکٹری کو آگ لگا کر دفتر سے رقم چوری کرنے والے ملزم کو گرفتار کر لیا گیا۔

• 

  مفتاح اسماعیل اور حماد اظہر میں نوک جھونک

  گیس کے بحران پر مسلم لیگ نون کے رہنما مفتاح اسماعیل اور وفاقی وزیر حماد اظہر کے درمیان سماجی رابطے کی ویب سائٹ ٹوئٹر پر نوک جھونک ہوئی ہے۔

• 

  کراچی: خاتون کے ہاتھوں 70 سالہ شخص کے ٹکڑے ٹکڑے

  کراچی کے علاقے صدرمیں واقع عمارت میں خاتون کے ہاتھوں 70 سالہ شخص کے لرزہ خیز قتل کا واقعہ پیش آیا ہے، خاتون نے مقتول کے ٹکڑے ٹکڑے کر دیئے اور پھر آرام سے سو گئی، خاتون کو گرفتار کر لیا گیا ہے۔

• 

  چودہویں عالمی اردو کانفرنس میں آج کیا ہوگا؟

  کراچی آرٹس کونسل میں جاری چودہویں عالمی اردو کانفرنس میں آج معلومات سے بھرپور سیگمنٹس کا اہتمام کیا گیا ہے۔

• 

  گرین لائن افتتاح کیلئے مجھے بلایا ہے، آنا کہاں ہے یہ نہیں بتایا، اویس شاہ

  سندھ کے صوبائی وزیر ٹرانسپورٹ اویس شاہ کاکہنا ہے کہ مجھے کل رات گرین لائن بس پروجیکٹ کی افتتاحی تقریب میں شرکت کے لیے ایک کال آئی، تاہم کال کرنے والے نے یہ بھی نہیں بتایا کہ تقریب میں شرکت کے لیے کہاں آنا ہے ۔

• 

  دبئی سے توڑنےکیلئے گڈانی لایا گیا جہاز ماحول کیلئے خطرناک قرار

  بلوچستان کے محکمہ ماحولیات نے دبئی سے شپ بریکنگ کیلئے گڈانی آنے والے ایم وی ایٹلانٹک انٹرپرائز نامی جہاز کو خطرناک مواد کی موجودگی کی اطلاع پر لنگر انداز ہونے سے روک دیا۔

• 

  علی زیدی کو برطانوی پارلیمنٹ میں داخلے سے روک دیا گیا

  برطانیہ کے دورے پر گئے ہوئے وفاقی وزیر علی زیدی کو برطانوی پارلیمنٹ میں داخل ہونے سے روک دیا گیا۔

• 

  مہنگائی کا دفاع نہیں کیا جاسکتا، علی زیدی

  وفاقی وزیر کا کہنا تھا کہ کابینہ مہنگائی کا حل نکالنے کے لیے کوشاں ہے، پاکستان میں مہنگائی لندن سے کم ہے

• 

  بجلی مہنگی، یہ ہے’سستا پاکستان‘ کی اصل حقیقت، شہباز

  اپنے بیان میں اپوزیشن لیڈر کا کہنا تھا کہ بجلی مزید مہنگی ہوگئی، یہ ہے’سستا پاکستان‘ کی اصل حقیقت ہے۔

Original Article