Categories
Breaking news

گرفتار نون لیگی رہنما عمران نذیر جسمانی ریمانڈ پر پولیس کے حوالے

Advertisement

گزشتہ روز گرفتار کیے گئے مسلم لیگ نون لاہور کے جنرل سیکریٹری اور رکنِ صوبائی اسمبلی خواجہ عمران نذیر کو ضلع کچہری لاہورمیں پیش کر دیا گیا۔

عدالت نے خواجہ عمران نذیر کو ایک روز کے جسمانی ریمانڈ پر پولیس کی تحویل میں دے دیا۔

مسلم لیگ نون کے MPA عمران نذیر گرفتار

قومی احتساب بیورو (نیب) کے آفس پر ہنگامے کے کیس میں مسلم لیگ نون لاہور کے جنرل سیکریٹری و رکنِ پنجاب اسمبلی خواجہ عمران نذیر کو گرفتار کر لیا گیا۔

عدالت نے پولیس کو خواجہ عمران نذیر کو کل انسداد دہشت گردی کی عدالت میں پیش کرنے کا حکم بھی دیا۔

دورانِ سماعت لاہور پولیس کی جانب سے عدالت سے خواجہ عمران نذیر کے 15 روز کے جسمانی ریمانڈ کی استدعا کی گئی۔

وکیل صفائی نے دلائل دیتے ہوئے اعتراض کیا کہ جسمانی ریمانڈ دینا اس عدالت کا اختیار نہیں، مقدمے میں دہشت گردی کی دفعات شامل ہیں۔

یہ بھی پڑھیے

خواجہ عمران نذیر کو لاہور میں مریم نواز کی پیشی کے موقع پر نیب آفس کے باہر ہونے والی ہنگامہ آرائی کے کیس میں گزشتہ روز گرفتار کیا گیا تھا۔

خواجہ عمران نذیر کی گاڑی کو ٹریفک وارڈنز نے روک کر فیصل ٹاؤن پولیس کے سپرد کیا تھا جبکہ فیصل ٹاؤن پولیس نے خواجہ عمران نذیر کو چوہنگ پولیس کے حوالے کر دیا تھا۔

نون لیگی رہنما خواجہ عمران نذیر سمیت دیگر کے خلاف چوہنگ پولیس اسٹیشن میں مقدمہ درج ہے۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *