Categories
Breaking news

گجر نالے کی صفائی کا کام شروع نہ ہوسکا

گجر نالے کی صفائی کا کام شروع نہ ہوسکا

کراچی میں طوفانی بارشوں کی پیش گوئی کے باوجود گجر نالے کی صفائی کا کام بھی شروع نہ ہوسکا، جبکہ محمود آباد نالے کی توسیع کا کام بھی تاحال مکمل نہیں ہوسکا ہے۔

محکمہ موسمیات کی جانب سے شہر قائد میں آئندہ 4 روز کے دوران تیز بارشوں کی پیشنگوئی کی گئی ہے تاہم اس کے باوجود انتظامیہ کان پر جوں تک نہ رینگی اور شہر میں موجود گجر نالے کی صفائی کا کام شروع نہیں ہوسکا ہے۔

ممکنہ طوفانی ہوائیں: کراچی ایئرپورٹ پر ہائی الرٹ کردیا گیا

سول ایوی ایشن اتھارٹی نے تمام متعلقہ حکام کو احتیاطی تدابیر اختیار کرنے کی ہدایت کردی۔

اس کے علاوہ شہر میں موجود محمود آباد نالے کی بھی نہ تو صفائی شروع ہوسکی ہے اور نہ ہی اس کی توسیع کا کام مکمل ہوا ہے۔

شہر میں متوقع بارشوں سے محمود آباد نالے اور گجر نالے کے اطراف کے علاقے متاثر ہونے کا خدشہ ہے۔

سمندری طوفان کے پیش نظر سندھ بلڈنگ کنٹرول اتھارٹی نے اعلامیہ جاری کردیا

ترجمان سندھ بلڈنگ کنٹرول اتھارٹی کا کہنا ہے کہ تمام زیر تعمیر عمارتوں سے کرینز ہٹاکر محفوظ مقامات پرمنتقل کی جائیں۔

واضح رہے کہ کراچی میں 18سے 20 مئی تک ممکنہ طوفانی ہواؤں اور بارشوں کی پیشگوئی کے بعد سول ایوی ایشن اتھارٹی نے جناح انٹر نیشنل ایئرپورٹ پرہائی الرٹ کردیا گیا، اس سے متعلق سول ایوی ایشن نے سرکلر بھی جاری کردیا ہے۔

سندھ بلڈنگ کنٹرول اتھارٹی (ایس بی سی اے) نے زیر تعمیر عمارتوں کے حوالے سے حفاظتی اقدامات کی ہدایت کردی اور کہا ہے کہ تمام بلڈرز زیر تعمیر عمارتوں میں حفاظتی اقدامات کرلیں۔

سمندری طوفان: پاکستان ریلوے نے کراچی ڈویژن میں 3 کنٹرول روم قائم کردیے

محکمہ ریلوے کے اعلامیے کے مطابق کنٹرول روم میں اسسٹنٹ افسران کی 3شفٹس میں ڈیوٹیز ہوں گی۔

پاکستان ریلوے نے سمندری طوفان ’ٹاؤٹے‘ کے خطرے کے پیش نظر کراچی ڈویژن میں 3 کنٹرول روم قائم کردیئے ہیں۔

کراچی میں سینٹرل کنٹرول روم جبکہ کوٹری اور حیدرآباد میں سب کنٹرول روم کئے گئے ہیں، جن کی نگرانی ڈی ٹی او کراچی اسحاق بلوچ کریں گے۔

قومی خبریں سے مزید

Original Article

Leave a Reply

Your email address will not be published. Required fields are marked *