وفاقی وزیر دفاع پرویز خٹک نے کہا ہے کہ گاؤں کے حجرے کی سیاسی بات کا بتنگڑ بنادیا گیا۔

اسلام آباد میں وزیر داخلہ شیخ رشید کے ہمراہ پریس کانفرنس کے دوران پرویز خٹک نے عمران خان کی حکومت سے متعلق اپنے بیان کی وضاحت کی۔

انہوں نے کہا کہ میں نے گاؤں کے حجرے میں سیاسی بات کی تھی، اسے بتنگڑ بنادیا گیا، اس پر عمران خان بھی کہہ چکے ہیں کہ ان سے بچا کریں یہ ایک بات پکڑ لیتے ہیں۔

پرویز خٹک نے مزید کہا کہ ہماری وفاقی حکومت گریڈ 1 تا 16 کے ملازمین کے ساتھ ملاقات ہوئی اور اکثر معاملات پر بات طے پا گئی ہے۔

اُن کا کہنا تھا کہ سرکاری ملازمین کے ہمراہ صوبائی ملازمین کے وفود بھی مذاکرات میں شریک ہوئے، جن کی خواہش تھی کہ اُن کا فیصلہ بھی ہم کریں۔

شیخ رشید نے کہا کہ ملازمین سے مذاکرات کرنے والی کمیٹی کے سربراہ پرویز خٹک ہیں، مرکز کے ملازمین کے تمام امور طے ہیں۔

قومی خبریں سے مزید