کیپٹن (ر) صفدر کو سیکیورٹی دینے کی درخواست کی سماعت کل ہو گی

اسلام آباد ہائی کورٹ نے مسلم لیگ نون کے رہنما، سابق وزیرِ اعظم میاں نواز شریف کے داماد، نون لیگی نائب صدر مریم نواز کے شوہر کیپٹن ریٹائرڈ صفدر کی سیکیورٹی فراہم کرنے کی درخواست کل سماعت کیلئے مقرر کر دی۔

اسلام آباد ہائی کورٹ کے چیف جسٹس اطہر من اللّٰہ کل (پیر کو) کیس کی سماعت کریں گے۔

Table of Contents

x
Advertisement

کیپٹن ریٹائرڈ صفدر نے بیرسٹر جہانگیر جدون کے ذریعے اسلام آباد ہائی کورٹ سے رجوع کیا ہے۔

کیپٹن ریٹائرڈ صفدر کی جانب سے دائر کی گئی درخواست میں عدالتِ عالیہ سے استدعا کی گئی ہے کہ کے پی، پنجاب، سندھ اور اسلام آباد پولیس کے آئی جیز کو مجھے سیکیورٹی دینے کا حکم دیا جائے۔

انہوں نے اپنی درخواست میں کہا ہے کہ لاہور میں اہلیہ مریم نواز کے ساتھ نیب آفس جاتے ہوئے ایک بار مجھ پر حملہ ہو چکا ہے۔

کیپٹن ریٹائرڈ صفدر نے کہا ہے کہ ناموسِ رسالت ﷺ کیلئے آواز اٹھاتا رہا ہوں، سیاسی طور پر بھی متحرک ہوں، پی ڈی ایم اور سیاسی سرگرمیوں کیلئے پورے ملک میں آنا جانا رہتا ہے۔

یہ بھی پڑھیے

انہوں نے اپنی درخواست میں کہا ہے کہ سیاسی انتقام کا نشانہ بناتے ہوئے مجھ پر مختلف مقدمات درج کیئے گئے۔

مریم نواز کے شوہر کا مزید کہنا ہے کہ سیکیورٹی کیلئے سیکریٹری داخلہ کو درخواست دی لیکن کوئی جواب نہیں ملا۔

کیپٹن ریٹائرڈ صفدر نے عدالت میں دائر درخواست میں یہ بھی کہا ہے کہ سابق ایم این اور ملک کا شہری ہونے کی حیثیت سے سیکیورٹی میرا بنیادی حق ہے۔

قومی خبریں سے مزید