بھارتی کامیڈین کپل شرما نے اپنے شو میں شادی شدہ لوگوں کی زندگی پر کافی قہقہے لگاتے رہے ہیں، انہیں اب اپنی دوسری شادی کی سالگرہ پر ہی بیوی سے معافی مانگنی پڑگئی ہے۔

ایسا کیا ہوا؟ برصغیر پاک و ہند میں یکساں طور پر مقبول کپل شرما کی آج شادی کی دوسری سالگرہ ہے، تاہم وہ آج کے دن بھی کام میں مصروف رہے۔

Table of Contents

x
Advertisement

سالگرہ میں مصروفیت کےباعث وہ دن کا بیشتر حصہ اپنی بیوی اور بیٹی کے ساتھ نہ گزار سکے، جس پر انہوں نے اپنی بیوی گنی چاتراتھ کے نام ایک پیغام لکھا۔

سماجی رابطے کی ویب سائٹ پرکپل شرما نے اپنے شو کے ڈریسنگ روم سے لکھے گئے پیغام ساتھ اپنی ایک تصویر بھی شیئر کی۔

کپل شرما تصویر میں جینس کی پینٹ پر خوبصورت نیلی جیکٹ زیب تن کیے ہوئے ہیں اور ساتھ ہی اسٹائلش چشمہ لگایا ہوا ہے۔

’سوری بے بی‘ کے الفاظ سے شروع ہونے والے پیغام میں بھارتی کامیڈین نے اپنی بیوی کو مخاطب کرتے ہوئے لکھا کہ میں شادی کی سالگرہ والے دن بھی کام کررہا ہوں۔

انہوں نے پیغام میں مزید کہا کہ ’سالگرہ پر ( تمہیں) گفٹ دینا ہے تو کمانا بھی تو پڑے گا، سالگرہ مبارک شام کو ملیں گے‘۔

کپل شرما کی اس خوبصورت تصویر اور محبت بھرے پیغام پر ان مداحوں نے خوب تبصرے کیے ۔

View this post on Instagram

A post shared by Kapil Sharma (@kapilsharma)

تبصرہ کرنے والوں میں بھارتی کرکٹر ہربھجن سنگھ، گلوکارہ نیہا ککڑ بھی شامل ہیں جبکہ ان کے پیغام کو چند ہی گھنٹوں میں کئی لاکھ لوگوں نے پسندیدگی مہر لگادی۔

کپل شرما کچھ عرصے قبل ایک انٹرویو میں کہہ چکے ہیں کہ وہ شادی سے پہلے اس رشتے پر بہت مذاق کرتے تھے، لیکن اب حقیت سامنے آچکی ہے۔

انہوں نے مزید کہا کہ میرے شادی سے متعلق کیے ہوئے زیادہ تر مذاق مجھے اب حقیقی اور مصدقہ لگنے لگے ہیں۔

قومی خبریں سے مزید