Categories
Breaking news

کپتان اپنی ٹیم کے بغیر کچھ نہیں کرسکتا، شہبار شریف

کپتان اپنی ٹیم کے بغیر کچھ نہیں کرسکتا، شہبار شریف

وزیر اعظم شہباز شریف نے کہا ہے کہ کپتان اپنی ٹیم کے بغیر کچھ نہیں کرسکتا، احتساب اور شفافیت کی آڑ میں افسران کو بلاوجہ ہراساں کیا گیا، قومی خدمت ہمارا نصب العین ہے، اس میں کسی بھی قسم کی کوتاہی یا غفلت قبول نہیں۔

وزیراعظم سے لاہور میں ریٹائرڈ اور حاضر سروس سول انتظامیہ کے افسران نے ملاقات کی، افسران نے وزیراعظم کو گورننس، انتظامی امور اور پالیسیوں کے نفاذ کےبارے میں اپنے تجربات سے آگاہ کیا۔

وزیراعظم نے کہا کہ دل کی گہرائیوں سے آپ کو عید کی مبارک باد پیش کرتا ہوں، پاکستان کی خوشی قسمتی ہے کہ یہاں آپ جیسے قابل افسران موجود ہیں۔

شہباز شریف نے کہا کہ قابل افسران ملکی ترقی و خوشحالی میں حکومت کی رہنمائی اور معاونت کرتے ہیں، میٹرو، اورنج لائن جیسے پروجیکٹ افسران و دیگر حکومتی اہلکاروں کی محنت کا نتیجہ ہیں۔

وزیراعظم شہباز شریف نے کہا کہ احتساب اور شفافیت کے لیے قوانین پر تمام اسٹیک ہولڈرز سے مشاورت کی جائے گی، سول سرونٹس حکومتی ٹیم کا حصہ ہوتے ہیں، ان کے خدشات کا تدارک ضروری ہے۔

اس موقع چیف سیکریٹری پنجاب، مختلف محکموں کے سیکریٹریز، سابق چیف سیکریٹریز اور مختلف محکموں کے سربراہ بھی موجود تھے۔

قومی خبریں سے مزید

Original Article

Leave a Reply

Your email address will not be published.