Categories
Breaking news

کویت: حکومت نے پروازوں پر ایک بار پھر پابندی عائد کردی

Advertisement
Advertisement

کویتی محکمہ شہری ہوابازی نے افغانستان سے آنے والی کمرشل پروازوں پر تاہدایت ثانی پابندی لگادی ہےکویتی حکومت نے پروازوں پر ایک بار پھر پابندی عائد کردی ہے۔

کویتی محکمہ شہری ہوابازی نے افغانستان سے آنے والی کمرشل پروازوں پر تاہدایت ثانی پابندی لگادی ہے، یہ پابندی نئے کورونا وائرس کے تناظر میں لگائی گئی ہے۔

ذرائع کے مطابق کویتی محکمہ شہری ہوابازی نے افغانستان سے آنے والی پروازوں پر پابندی کا سبب نہیں بتایا تاہم مقامی ذرائع ابلاغ کا کہنا ہے کہ یہ فیصلہ نئے کورونا وائرس کی وبا کا خطرہ بڑھ جانے کی وجہ سے کیا گیا ہے۔

کویت نے افغانستان کو کووڈ 19 کے حوالے سے ممنوعہ ممالک کی فہرست میں شامل کیا ہے۔ یاد رہے کہ کویت نے 31 ممالک سے آنے والی پروازوں پر پابندی لگائی ہے۔ ان میں مصر، لبنان، عراق اور ایران شامل ہیں، یہ وہ ممالک ہیں جہاں کووڈ 19 کے نئے مصدقہ کیسز کی تعداد بڑھ رہی ہے۔

دریں اثنا کویت میں پچھلے چوبیس گھنٹے میں کورونا کے 432 نئے کیسز سامنے آئے ہیں، متاثرین کی تعداد بڑھ کر80 ہزار 960ہوگئی۔

کویتی خبر رساں ایجنسی کونا نے وزارت صحت کے حوالے سے بتایا پچھلے چوبیس گھنٹے میں 618 افراد صحت یاب ہوئے۔ شفا یاب ہونے والوں کی تعداد 72 ہزار 925 ہوگئی۔

بیان میں کہا گیا کہ گزشتہ روز کورونا سے تین اموات ہوئی ہیں۔ وائرس سے ہلاک ہونے والوں کی تعداد 518 ہوگئی ہے، کویت میں اس وقت ایکٹیو کیسز کی تعداد 7 ہزار 517 ہے جس میں 99 انتہائی نگہداشت یونٹ میں زیر علاج ہیں۔

ذرائع کے مطابق کویت میں پچھلے چوبیس گھنٹوں کے دوران تین ہزار سے زیادہ کورونا وائرس ٹیسٹ کیے گئے ہیں، اب تک مجموعی طور پانچ لاکھ 90 ہزار 623ٹیسٹ کیے جاچکے ہیں۔

Advertisement

Leave a Reply

Your email address will not be published. Required fields are marked *