Categories
Breaking news

کورونا ویکسین کی قیمت 10روز میں مقرر کرنے کا حکم

Advertisement
10 روز میں کورونا ویکسین کی قیمت مقررکرنے کا حکم

سندھ ہائیکورٹ کی جانب سے وفاقی حکومت کو 10 روز میں عالمی وبا کورونا وائرس سے بچاؤ کے لیے کورونا ویکسین کی قیمت مقرر کرنے کا حکم دیا گیا ہے۔

سندھ ہائیکورٹ میں کورونا ویکسین اسپوتنک ریلیز کرنے سے متعلق درخواست پر جسٹس ندیم اختر نے سماعت کی۔

دوران سماعت عدالت کی جانب سے وفاقی حکومت کو 10 روز میں کورونا ویکسین کی قیمت مقرر کرنے کا حکم دیتے ہوئے کہا گیا ہے کہ قیمت مقرر ہونے کے بعد قانونی نکات پر فیصلہ دیں گے۔

تاحال ویکسین کی قیمت مقرر نہ ہونے پر عدالت کا اظہار برہمی

سندھ ہائیکورٹ میں کورونا ویکسین اسپوتنک فائیو کی ریلیز سے متعلق درخواست پر سماعت کے دوران حکومت کے اب تک کورونا ویکسین پرائس فکس نہ کیے جانے پر عدالت کی جانب سے برہمی کا اظہار کیا گیا ہے۔

سماعت کے دوران جسٹس ندیم اختر نے حکم دیتے ہوئے کہا کہ فریقین تحریری دلائل آئندہ سماعت سے قبل جمع کرادیں۔

عدالت نے این سی او سی کو بھی اب تک لگائی گئی ویکسینز سے متعلق رپورٹ پیش کرنے کی ہدایت جاری کی ہے۔

بعد ازاں عدالت کی جانب سے درخواست کی مزید سماعت 27 اپریل تک ملتوی کردی گئی۔

قومی خبریں سے مزید

Original Article

Leave a Reply

Your email address will not be published. Required fields are marked *