Categories
Breaking news

کورونا ویکسین ترجیحی بنیاد پر ہیلتھ ورکرز اور دیگر رضاکاروں کے لیے استعمال، چین سے بڑی خبر آگئی

Advertisement
Advertisement

کورونا ویکسین چینی محکمہ صحت کے سینئر عہدیدار کا کہنا ہے کہ ملک میں ممکنہ کورونا ویکسین ترجیحی بنیاد پر ہیلتھ ورکرز اور دیگر رضاکاروں کو لگائی جارہی ہے۔

غیرملکی خبررساں ادارے کی رپورٹ کے مطابق ژھینگ ژھونگئی نامی عہدیدار نے کہا ہے کہ چینی حکومت ممکنہ کرونا ویکسین کی ہنگامی بنیاد پر استعمال کی اجازت دے چکی ہے۔

ان کا کہنا تھا کہ رواں سال جولائی سے ترجیحی بنیاد پر کروناویکسین ہیلتھ ورکرز اور دیگر رضاکاروں پر استعمال کی جارہی ہے، ویکسین سے متعلق قائم خصوصی ٹاسک فورس صورت حال کا جائزہ بھی لے رہی ہے۔

ژھینگ ژھونگئی نے چین میں پہلی بار کرونا ویکسین کے استعمال کی تصدیق کی ہے تاہم اب تک یہ واضح نہیں ہوسکا کہ مذکورہ ویکسین کا استعمال ٹرائل کا حصہ ہے یا پھر حتمی طور پر ویکسین تیار ہوگئی ہے۔

چینی عہدیدار نے ویکسین کے استعمال کے بعد رضاکاروں کی صحت سے متعلق بھی آگاہ نہیں کیا۔ خیال رہے کہ چین میں محدود پیمانے پر استعمال ہونے والی ویکسین کے حوالے سے حکومت کا کوئی وضاحتی بیان سامنے نہیں آیا۔

خیال رہے کہ چین سمیت دنیا بھر میں ادویہ ساز کمپنیاں کرونا ویکسین کی تیاری میں جٹی ہوئی ہیں، تاہم روس کے علاوہ کسی ملک میں ویکسین تیار نہیں ہوئی جبکہ روسی کی ویکسین پر بھی اب سوالات اٹھ رہے ہیں۔

Advertisement

Leave a Reply

Your email address will not be published. Required fields are marked *