Categories
Breaking news

کورونا ویکسین بوسٹر 30 سال سے زائد عمر کے افراد کو کل سے لگنا شروع

پاکستان بھر میں کورونا ویکسین کا بوسٹر ڈوز کل (3 جنوری) سے لگنا شروع ہوجائے گا۔

نیشنل کمانڈ اینڈ آپریشن سینٹر (این سی او سی) نے اعلان کیا ہے کہ 30 سال سے زائد عمر کے افراد کل سے کورونا ویکسین کی بوسٹر ڈوز لگواسکیں گے۔

این سی او سی کے مطابق بوسٹر ڈوز ان لوگوں کو لگائی جائے گی جنہوں نے ویکسین کی آخری خوراک 6 ماہ پہلے لگوائی ہوگی۔

انسداد کورونا ویکسین کی 65 لاکھ خوراکیں پاکستان پہنچ گئیں

نیشنل ڈیزاسٹر مینجمنٹ اتھارٹی (این ڈی ایم اے) نے انسداد کورونا ویکسین کی مزید 2 کھیپ پاکستان پہنچنے کی تصدیق کی ہے۔

این سی او سی کے مطابق اومی کرون کے خدشے کے پیش نظر شہری کورونا ایس او پیز پر عمل کریں، ویکسین لگوائیں اور بوسٹر کے اہل افراد بوسٹر لگوائیں۔

اعلان کے مطابق اس وقت 50 سال یا زائد عمر کے افراد کو کورونا سے بچاؤ کا بوسٹر لگایا جارہا ہے۔

اس سے پہلے این سی او سی نے اومی کرون سے بچاؤ کے لیے بوسٹر ویکسین کی گائیڈ لائنز جاری کرتے ہوئے کہا تھا کہ غیر ویکسین شدہ افراد کو ویکسین لگانا ترجیح ہے۔

این سی او سی کے مطابق ہیلتھ کیئر ورکرز 30 سال سے زائد عمر، قوتِ مدافعت کی کمی کا شکار انسداد کورونا ویکسین کا بوسٹر لگایا جائے گا۔

اعلامیے کے مطابق کورونا سے صحتیاب ہونے والے 28 دن بعد بوسٹر ویکسین لگوا سکتے ہیں، بوسٹر ویکسین سائنو فارم، سائنو ویک، فائزر یا موڈرنا دستیاب ہوں گی۔

قومی خبریں سے مزید

Original Article

Leave a Reply

Your email address will not be published. Required fields are marked *