Categories
Breaking news

کورونا وائرس کے پھیلاؤ کے پیشِ نظر کویت حکومت نے کرفیو کی مدت میں توسیع کردی

Advertisement
Advertisement

کویت کرفیو

کورونا وائرس کو پھیلنے سے روکنے کے لیے کویت حکومت نے آٹھ اپریل تک نافذ کیے جانے والے کرفیو کی مدت میں توسیع کردی ہے۔

کویتی ذرائع ابلاغ کا کہنا ہے کہ اب اس کرفیو کی مدت میں22اپریل تک توسیع کی گئی ہے، تاہم کرفیو میں 2 گھنٹے کمی بھی کی گئی ہے, متعلقہ حکام نے عوام کو کورونا احتیاطی تدابیر پر سختی سے عمل درآمد کی تلقین کی ہے۔

کویتی حکومت کے ترجمان طارق المزرم نے سرکاری اعلان میں کہا ہے کہ ملک بھر میں جاری جزوی کرفیو 8 اپریل کے بعد بھی جاری رہے گا۔

8 اپریل سے شروع ہوکر 22 اپریل تک رہنے والا جزوی کرفیو شام 7:00 بجے سے صبح 5:00 بجے تک رہے گا۔

اس سے قبل گذشتہ ماہ حکومت نے8 اپریل تک شام 6:00 بجے سے صبح 5:00 بجے تک کرفیو کا اعلان کیا تھا۔

انہوں نے وضاحت کی کہ رمضان کے مہینے میں جزوی کرفیو کے دوران ریستوران ، کیفے اور فوڈ مارکیٹنگ مراکز کو شام 7 بجے سے صبح 3 بجے تک کام کرنے کی اجازت دی جائے گی۔

انہوں نے مزید کہا کہ شام 7 بجے سے رات 10 بجے تک بغیر کوئی گاڑی استعمال کیے رہائشی علاقوں میں صرف چہل قدمی کی اجازت ہوگی۔

کویتی حکومت کے ترجمان طارق المزرم نے تما شہریوں کو صحت سے متعلق کورونا ایس او پیز پر عمل پیرا ہونے کی بھی سختی سے تاکید کی ہے۔

Advertisement

Leave a Reply

Your email address will not be published. Required fields are marked *