Categories
Breaking news

کورونا وائرس کی نئی قسم پر قابو پانے کے لیے تمام ممکنہ وسائل بروئے کار لارہے ہیں، بورس جانسن

Advertisement

بورس جانسن

وائرس کی نئی قسم پر قابو پانے کے لیے تمام ممکنہ وسائل بروئے کار لارہے ہیں، 5 لاکھ سے زائد افراد کو ویکسین کی پہلی ڈوز دیدی گئی ہے۔

برطانوی وزیراعظم بورس جانسن کا کہنا ہے کہ کورونا کی نئی قسم سے متعلق دوست ممالک کے تحفظات سے آگاہ ہیں اور ان کا احساس ہے، عالمی ادارہ صحت کو بروقت وائرس کی نئی قسم سے آگاہ کردیا تھا۔

بورس جانسن کا کہنا ہے کہ نئے علاج، ویکسین میں جدت کے لیے دوست ممالک کے ساتھ مل کر کام کرنا چاہتے ہیں، وائرس کو شکست دینے کے لیے عالمی ردعمل کی ضرورت ہے۔

کورونا کی نئی قسم کے باعث 40 سے زائد ممالک نے برطانیہ پر سفری پابندیاں عائد کردی ہیں، پابندیوں کے سبب سینکڑوں پروازیں منسوخ ہوگئیں مسافروں کو شدید مشکلات درپیش ہیں۔

Advertisement

کرسمس سے قبل اپنے گھروں کو واپس جانے والے یورپین مسافر بھی پروازوں کی بندش کے سبب پھنس گئے ہیں۔

علاوہ ازیں ترکی نے کورونا کی نئی قسم کے باعث 4 ممالک کے لیے پروازیں منسوخ کردیں جن میں برطانیہ، ڈنمارک، ہالینڈ اور جنوبی افریقہ شامل ہیں۔

عمان اور سعودی عرب نے بھی ایک ہفتے کے لیے بین الاقوامی پروازیں معطل کردیں، معطلی کا فیصلہ برطانیہ اور یورپ میں کورونا کی نئی قسم کے پھیلنے کے سبب کیا گیا۔

Advertisement

Leave a Reply

Your email address will not be published. Required fields are marked *