Categories
Breaking news

کورونا وائرس: کویتی حکام نے تارکین وطن کو واپسی کی اجازت دے دی

کویت

کورونا وائرس کی عالمی وبا کے بعد کویتی حکومت کی جانب سے 34 ممالک کے شہریوں پر پابندی لگادی گئی تھی تاہم اب شعبہ صحت سے وابستہ افراد کے رشتے داروں کو ملک میں داخلے کی اجازت دے دی گئی ہے۔

کویت کی سول ایوی ایشن کی جنرل ایڈمنٹریشن نے ایک حکم نامہ جاری کیا ہے جس کے تحت وزارت صحت کے کارکنان کے قریبی رشتہ داروں کو براہ راست یا ٹرانزٹ پروازوں کے ذریعے کویت میں داخل ہونے کی باقاعدہ اجازت دے دی گئی ہے۔

سول ایوی ایشن کی جانب سے جاری کیے گئے حکم نامے میں یہ شرط عائد کی گئی ہے کہ کویت آنے والے افراد کے پاس جائز رہائشی اقامہ یا ایک درست اندراج ویزا ہو۔

اس حوالے سے کویتی ذرائع ابلاغ کا کہنا ہے کہ صحت کی ضروریات کے مطابق وزارت صحت میں کارکنان کے لواحقین کی واپسی میں وہ 34ممالک بھی شامل ہیں جن پر کویتی حکومت نے ملک میں براہ راست داخلے پر پابندی لگائی ہوئی ہے۔

اس سلسلے میں کویت کے بین الاقوامی ایئرپورٹ پر کام کرنے والی تمام ایئر لائنز کی انتظامیہ کو ایک مراسلے کے ذریعے ہدایات جاری کردی گئی ہیں۔

ہدایت نامے کے مطابق کویت کی وزارت صحت کے تمام ملازمین جن کے پاس جائز رہائشی اقامہ ہے یا اس ملک میں داخلے کے درست اجازت نامے ہیں ان کو سفر کرنے کی اجازت ہے۔

اس کے علاوہ تمام مسافروں کو واضح طور پر کہا گیا ہے کہ کورونا وائرس سے بچاؤ کیلئے تمام تر احتیاطی تدابیر اختیار کی جائیں اور خصوصاً کورونا ایس او پیز پر سختی سے عمل درآمد کیا جائے۔

Advertisement

Leave a Reply

Your email address will not be published. Required fields are marked *