Categories
Breaking news

کورونا وائرس کا شکار عامر لیاقت حسین اسپتال میں داخل

Advertisement
کورونا کا شکار عامر لیاقت حسین اسپتال میں داخل

گزشتہ دنوں عالمی وباء کورونا وائرس کی دوسری لہر کا شکار ہونے والے پاکستان تحریکِ انصاف (پی ٹی آئی) کے رہنما و رکنِ قومی اسمبلی ڈاکٹر عامر لیاقت حسین طبیعت مزید بگڑنے پر اسپتال میں داخل ہوگئے۔

Advertisement

اس حوالے سے ڈاکٹر عامر لیاقت حسین نے سوشل میڈیا سائٹ انسٹاگرام پر اپنی کچھ تصویریں پوسٹ کی ہیں جن میں وہ اسپتال میں بستر پر لیٹے نظر آ رہے ہیں۔

Table of Contents

x
Advertisement

View this post on Instagram

A post shared by Aamir Liaquat Hussain (@iamaamirliaquat)

تصویروں میں دیکھا جاسکتا ہے کہ عامر لیاقت حسین کو ڈرپ اور نیبولائزر لگا ہوا ہے جبکہ وہ چہرے سے کمزور بھی دکھائی دے رہے ہیں اور تصویریں دیکھ کر اندازہ لگایا جاسکتا ہے کہ کورونا وائرس کی وجہ سے اُن کی کافی طبیعت ناساز ہے۔

عامر لیاقت اہلیہ سمیت کورونا وائرس میں مبتلا

پاکستان تحریک انصاف (پی ٹی آئی) کے رہنما و رکن قومی اسمبلی ڈاکٹر عامر لیاقت حسین اپنی اہلیہ سیدہ طوبیٰ عامر سمیت عالمی وبا کورونا وائرس کی دوسری لہر کے شکار ہوگئے ہیں۔

پی ٹی آئی کے رہنما و رکن قومی اسمبلی نے انسٹاگرام پر تصویریں شیئر کرتے ہوئے کیپشن میں یہ شعر لکھے:

مرے وردِ لب ہے نبی نبی
مرا دل مقامِ حبیب ہے
میں مریضِ عشقِ رسول ہوں
وہ حبیب میرا طبیب ہے !!

ڈاکٹر عامر لیاقت حسین نے ہاتھ جوڑ کر دعاؤں کی گزارش کرتے ہوئے کہا ہے کہ ’میں کورونا سے لڑ نہیں رہا ہوں بلکہ پناہ مانگ رہا ہوں۔‘

واضح رہے کہ گزشتہ دنوں عامر لیاقت حسین نے ٹوئٹر پر جاری کیئے گئے اپنے بیان میں بتایا تھا کہ وہ اور اُن کی اہلیہ سیدہ طوبیٰ عامر کورونا وائرس کی زد میں آگئے ہیں۔

اپنے بیان میں عامر لیاقت حسین نے قرآن پاک کی آیت بھی لکھی تھی اور اپنے چاہنے والوں کو بتایا تھا کہ وہ کورونا وائرس سے صحت یاب ہونے کے لیے ادرک، لہسن، کلونجی، لونگ اور دارچینی کا استعمال کر رہے ہیں جس سے اُن کی صحت پر اچھے اثرات مرتب ہو رہے ہیں۔

پاکستان: کورونا وائرس کے مزید 2 ہزار 443 کیسز، 32 اموات

گزشتہ 24 گھنٹوں کے دوران کورونا وائرس کے مزید 2 ہزار 443 کیسز سامنے آئے ہیں، مزید 32 افراد اس موذی وباء کے سامنے زندگی کی بازی ہار گئے جبکہ 811 مریض اس بیماری سے شفایاب ہو گئے۔

خیال رہے کہ پاکستان میں کورونا وائرس کے کیسز کی تعداد 3 لاکھ 56 ہزار 904 ہو چکی ہے، جبکہ اس موذی وباء سے جاں بحق افراد کی کُل تعداد 7 ہزار 141 تک جا پہنچی ہے۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *