Categories
Breaking news

کورونا وائرس سے متاثرہ ملک اٹلی میں سخت لاک ڈاؤن نافذ کرنے کا فیصلہ کرلیا گیا

Advertisement

لاک ڈاؤن

کورونا وائرس سے شدید متاثرہ ممالک میں سے ایک یورپی ملک اٹلی میں سخت لاک ڈاؤن نافذ کرنے کا فیصلہ کرلیا گیا۔

دنیا بھر کی طرح اٹلی میں بھی کورونا وائرس کی دوسری لہر شدت اختیار کرتی جارہی ہے جس کے پیش نظر لاک ڈاؤن لگانے کا فیصلہ کیا گیا ہے۔

اٹلی کی حکومت نے کورونا وائرس کی دوسری لہرکا سامنا کرتے ہوئے آنے والی تعطیلات کے دوران ملک بھر میں لاک ڈاؤن نافذ کرنے کا اعلان کیا ہے۔

Advertisement

حکومتی اعلان کے مطابق لوگوں کو صرف کرسمس اور نئے سال کے موقع پر کچھ مراعات دی جائیں گی جس میں میلے کے دوران صرف دو مہمانوں کو بلائے جانے کی اجازت ہو گی۔

حکام کا کہنا ہے کہ 24 دسمبر سے 27 دسمبر اور یکم سے 6 جنوری تک پورے ملک کو ریڈ زون میں تبدیل کیا جائے گا۔ اس دوران ملک کی ایک ریاست سے دوسری ریاست جانے پر مکمل پابندی ہوگی جبکہ گھروں سے باہر بھی صرف ضروری کام اور صحت سے متعلق کاموں کے سلسلے میں ہی آیا جاسکے گا۔

لوگوں کو 28، 29 اور 30 ​​دسمبر اور 4 جنوری کو گھروں سے باہر جانے کی اجازت ہوگی لیکن اس دوران ملک بھر میں غیر ضروری اشیاء سے متعلق بار ریسٹورنٹس اور دکانیں بند کر دی جائیں گی۔

Advertisement

Leave a Reply

Your email address will not be published. Required fields are marked *