Categories
Breaking news

کورونا وائرس سے قیمتی جانوں کا ضیاع ہوا تو ذمہ دار اپوزیشن ہوگی، شبلی فراز

Advertisement
کورونا سے قیمتی جانوں کا ضیاع ہوا تو ذمہ دار اپوزیشن ہوگی، شبلی فراز

وفاقی وزیر اطلاعات سینیٹر شبلی فراز کہتے ہیں کہ خدانخواستہ اگر قیمتی جانوں کاضیاع ہوا تو ذمہ دار اپوزیشن رہنما اور جلسوں کے منتظمین ہوں گے۔

Advertisement

سماجی رابطے کی ویب سائٹ ٹوئٹر پر جاری کیے گئے اپنے بیان میں وفاقی وزیر اطلاعات سینیٹر شبلی فراز نے کہا کہ کورونا وباء ایک عالمی حقیقت ہے، یہ کسی ذہن کی اختراع نہیں۔

کورونا سے قیمتی جانوں کا ضیاع ہوا تو ذمہ دار اپوزیشن ہوگی، شبلی فراز

شبلی فراز نے کہا کہ عدالتی فیصلہ بھی آچکا ہے، اپوزیشن اب ہوش کے ناخن لے اور عوام دشمنی کی مرتکب نہ ہو۔

Table of Contents

x
Advertisement

اپنے بیان میں اُن کا یہ بھی کہنا تھا کہ عوام کی صحت کا تحفظ ہماری اولین ترجیح ہے۔

واضح رہے کہ پاکستان میں کورونا وائرس کے کیسز کی تعداد 3 لاکھ 68 ہزار 665 ہو چکی ہے، جبکہ اس موذی وباء سے جاں بحق افراد کی کُل تعداد 7 ہزار 561 تک جا پہنچی ہے۔

پاکستان: کورونا وائرس کے مزید 2738 کیسز، 36 اموات

پاکستان میں کورونا وائرس کی دوسری لہر جاری ہے، یہاں کورونا وائرس کے کیسز اور اس سے اموات میں کمی کے بعد اب ان میں تیزی سے اضافہ ہو رہا ہے۔

نیشنل کمانڈ اینڈ آپریشن سینٹر کا کہنا ہے کہ گزشتہ روز ملک بھر میں کورونا وائرس کے 42 ہزار 909 ٹیسٹ کیئے گئے، اب تک کُل 50 لاکھ 98 ہزار 291 کورونا ٹیسٹ کیئے جا چکے ہیں، جبکہ کورونا ٹیسٹ مثبت آنے کی شرح 6 اعشاریہ 4 فیصد ہو گئی ہے۔

گزشتہ 24 گھنٹوں کے دوران کورونا وائرس کے مزید 2 ہزار 738 کیسز سامنے آئے ہیں، مزید 36 افراد اس موذی وباء کے سامنے زندگی کی بازی ہار گئے جبکہ 868 مریض اس بیماری سے شفایاب ہو گئے۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *