Categories
Breaking news

کلبھوشن پر عالمی عدالت انصاف کے فیصلے کو موثر بنانے کیلئے حقِ نظرثانی کا بل آرڈیننس 2020 منظور

قومی اسمبلی سے کلبھوش جادیو فیصلے پر نظر ثانی کا بل کثرت رائے سے منظور

قومی اسمبلی میں عالمی عدالت انصاف کے فیصلے کو موثر بنانے کے لیے حق نظرثانی کا بل آرڈیننس 2020 منظور کرلیا۔

اس قانون سازی کے ذریعے قومی اسمبلی سے بھارتی جاسوس کلبھوشن جادیو کے فیصلے پر نظرثانی ممکن بنائی جائے گی۔

وفاقی وزیر قانون فروغ نسیم کے پیش کردہ بل کو قومی اسمبلی میں کثرت رائے سے منظور کیا گیا۔

فروغ نسیم نے بل کے حوالے سے ایوان میں کہا کہ یہ وہ قانون ہے جو اپوزیشن کو مل کر پاس کرنا چاہئے تھا۔

انہوں نے کہا کہ اپوزیشن جماعتوں نے آج بھارتی مقاصد پورے کرنے کی کوشش کی۔

اُن کا کہنا تھاکہ عالمی عدالت انصاف نے واضح طور پر اپیل کا قانون لانے کا کہا، اگر ہم یہ قانون نہیں لائیں گے تو بھارت سلامتی کونسل میں چلاجاتا۔

فروغ نسیم نے یہ بھی کہا کہ یہ بل پاس نہ ہوتا تو بھارت یو این جاتا اور عالمی عدالت انصاف میں توہین کا مقدمہ درج کراتا، پاکستان کے مفاد میں اپوزیشن کو ملکر اس قانون کو منظور کرانا چاہیے تھا۔

آج اسمبلی اجلاس کےد وران اسٹیٹ بینک پاکستان ( ایس بی پی ) بینکنگ سروسز کارپوریشن ترمیمی بل 2020ء اور کاروباری تعمیر نو کمپنیات ترمیمی بل 2021ء بھی کثرت رائے سے منظور کئے گئے۔

قومی خبریں سے مزید

Original Article

Leave a Reply

Your email address will not be published. Required fields are marked *