Categories
Breaking news

کسی کا باپ بھی پاکستان کے ایٹمی اثاثوں کو ختم نہیں کر سکتا: شازیہ مری

شازیہ مری

سیکرٹری اطلاعات پاکستان پیپلز پارٹی شازیہ مری کا کہنا ہے کہ کسی کا باپ بھی پاکستان کے ایٹمی اثاثوں کو ختم نہیں کر سکتا۔

اپنے ایک بیان میں شازیہ مری کا کہنا تھا کہ ذوالفقارعلی بھٹو نے پاکستان کو مسلم دنیا کا پہلا ایٹمی ملک بنایا اور پاکستانی قوم نے ایٹمی طاقت بننے کے لیے بڑی قربانیاں دی ہیں۔

شازیہ مری کا کہنا تھا کہ بلاول بھٹو عمران خان کو سکیورٹی رسک نا کہیں تو اور کیا کہیں؟ عمران خان کا بس چلے تو وہ ملک کے ایٹمی اثاثے مودی کو تحفے میں دے دیں لیکن کسی کا باپ بھی پاکستان کے ایٹمی اثاثے ختم نہیں کر سکتا۔

سیکرٹری اطلاعات پیپلز پارٹی کا کہنا تھا کہ فواد چوہدری اور فرخ حبیب اپنے لیڈر کی ذہنی کیفیت پر ماتم منائیں، پی ٹی آئی والوں کی چیخ و پکار بتا رہی ہے کہ عمران خان ڈوب چکے اور بلاول طلوع ہو رہے ہیں۔

Leave a Reply

Your email address will not be published. Required fields are marked *