Categories
Breaking news

کرپٹ حکمران آج اپنی نالائقیوں کا ملبہ بھی بھارت پر ڈال رہے ہیں: عظمیٰ بخاری

کرپٹ حکمران آج اپنی نالائقیوں کا ملبہ بھی بھارت پر ڈال رہے ہیں: عظمیٰ بخاری

مسلم لیگ ن پنجاب کی ترجمان عظمیٰ بخاری نے کہا ہے کہ مودی کی جیت کی دعائیں مانگنے والے آج اپنی نالائقیوں کا ملبہ بھی بھارت پر ڈال رہے ہیں۔

وزیراعلیٰ پنجاب کی معاون خصوصی ڈاکٹر فردوس عاشق کے بیان پر ردعمل دیتے ہوئے عظمیٰ بخاری نے سوال کیا کہ جب تک کٹھ پتلی اور ڈکٹیشن لینے والا وزیراعظم رہے گا پاکستان کا نام گرے لسٹ سے کیسے نکل سکتا ہے؟

عظمیٰ بخاری نے کہا کہ فیٹف کا پاکستان کا نام مزید گرے لسٹ میں رکھنا عمران خان کی خارجہ پالیسی کی ناکامی کا ثبوت ہے، وزیر خارجہ ہر دوسرے دن اپنی جھوٹی داستان سنانے آجاتے ہیں۔

اُنہوں نے کہا کہ عالمی برادری بھی کرپٹ حکمران طبقے کی کارستانیوں اور کارناموں سے باخبر ہے، جب آپ دنیا بھر سے بھیک مانگیں گے تو لوگ آپ کو عزت کی نظر سے کیسے دیکھیں گے؟

شاہد خاقان کے پاس رشوت مانگنے کے ثبوت ہیں تو سامنے لائیں، حماد اظہر

حماد اظہر نے کہا کہ کراچی میں لگے نجی کمپنی کے ایل این جی ٹرمینل کی عالمی قوانین کے مطابق 30جون سے قبل سروس کرانا لازمی ہو گئی۔

مسلم لیگ نون کی ترجمان نے یہ بھی کہا کہ منگترل خان نے پونے تین سالوں میں ساڑھے 13ارب ڈالر کے قرضے لیے اور ایک اینٹ نہیں لگائی۔

عظمیٰ بخاری نے کہا کہ عمران خان کے کریڈٹ پر پاکستان کو قرضوں کا بوجھ دینے کے علاوہ اپوزیشن کا ٹارگٹڈ احتساب بھی شامل ہے۔

اُن کا مزید کہنا تھا کہ منتخب ارکان اسمبلی کو جیلوں میں ڈالنے سے ملک کا امیج بہتر نہیں ہوگا بلکہ پاکستان کا امیج ووٹ کو عزت دینے سے ہی بہتر ہو سکتا ہے۔

قومی خبریں سے مزید

Original Article

Leave a Reply

Your email address will not be published. Required fields are marked *