کراچی: 24 کروڑ کمیٹی اسکینڈل، خاتون نے تحفظ کی درخواست دائر کردی

کراچی میں کمیٹی کے 24 کروڑ روپے مبینہ طور پر بینک اکاؤنٹ سے نکالے جانے کے اسکینڈل میں پیشرفت سامنے آئی ہے۔

کمیٹی جمع کرنے والی خاتون نے ایڈیشنل ڈسٹرکٹ اینڈ سیشن جج شرقی کی عدالت میں تحفظ کی درخواست دائر کردی۔

خاتون نے موقف اختیار کیا کہ متعدد افراد کی جانب سے سنگین نتائج کی دھمکیاں مل رہی ہیں۔

درخواست گزار خاتون نے مزید کہا کہ عدالت سے استدعا ہے مجھے تحفظ فراہم کرنے کا حکم دیا جائے۔

خاتون کی درخواست کے بعد عدالت نے ایس ایس پی کمپلین سیل ایسٹ کو نوٹس جاری کردیا ہے۔

عدالت نے ایس ایس پی کمپلین سیل سے 14 دسمبر تک رپورٹ طلب کرلی ۔

خاتون پر شہریوں سے کمیٹی کی مد میں 24 کروڑ روپے کے فراڈ کا الزام ہے۔

قومی خبریں سے مزید

نواز شریف آئندہ ماہ پاکستان آرہے ہیں، ایاز صادق کا دعویٰ