کراچی کے درجۂ حرارت میں پھر کمی

ملک کے سب سے بڑے شہر کراچی میں درجۂ حرارت میں ایک بار پھر کمی واقع ہور ہی ہے، سرد موسم پھر شدت پکڑ رہا ہے۔

محکمۂ موسمیات کے مطابق آئندہ 24 گھنٹوں کے دوران کراچی کا موسم خشک اور سرد رہنے اور صبح کے وقت کہر چھائے رہنے کا امکان ہے۔

Table of Contents

x
Advertisement

محکمۂ موسمیات کا کہنا ہے کہ شہرِ قائد کا کم سے کم درجۂ حرارت 10 ڈگری سینٹی ریڈ ریکارڈ کیا گیا جبکہ کم سے کم درجۂ حرارت 10 سے 12 ڈگری سینٹی گریڈ کے درمیان رہنے کا امکان ہے۔

کراچی میں صبح سویرے شمال مشرق کی سمت سے 9 سے 18 کلو میٹر فی گھنٹہ کی رفتار سے ہوائیں چل رہی ہیں، جن میں نمی کا تناسب 48 فیصد ہے۔

ادھر بلوچستان کے شمالی علاقوں میں خشک سردی کی لہر برقرار ہے، قلات میں درجۂ حرارت منفی 7 اور کوئٹہ میں منفی 5 ڈگری سینٹی گریڈ ریکارڈ کیا گیا۔

محکمۂ موسمیات مطابق وادیٔ کوئٹہ اور ملحقہ علاقوں میں مطلع صاف رہنے کے ساتھ موسم سرد اور خشک ہے۔

وادی میں کم سے کم درجۂ حرارت میں بتدریج کمی آ رہی ہے اور سردی کی شدت میں ایک بار پھر سے اضافہ ہو رہا ہے۔

یہ بھی پڑھیے

اسی طرح صوبے کے شمالی اور شمال مغربی اضلاع جن میں قلات، زیارت، پشین، ژوب، چاغی، قلعہ سیف اللّٰہ اور قلعہ عبد اللّٰہ و ملحقہ علاقے شامل ہیں وہاں موسم سرد اور خشک ہے۔

درجۂ حرارت دالبندین میں منفی 2، پنجگور اور ژوب میں منفی1، سبی میں 6، لسبیلہ میں 8، گوادر میں 11 اور تربت میں 13 ڈگری سینٹی گریڈ ریکارڈ کیا گیا۔

آئندہ 24 گھنٹوں کے دوران صوبے کے شمالی علاقو ں میں موسم شدید سرد اور صوبے کے دیگر علاقوں میں موسم سرد اور خشک رہنے کا امکان ہے۔

قومی خبریں سے مزید