کراچی کے بلدیاتی الیکشن پر چیف جسٹس پاکستان کو خط لکھیں گے: حافظ نعیم

امیرِ جماعتِ اسلامی کراچی حافظ نعیم الرحمٰن—فائل فوٹو

امیرِ جماعتِ اسلامی کراچی حافظ نعیم الرحمٰن نے کہا ہے کہ کراچی کے عوام چاہتے ہیں کہ یہاں بلدیاتی الیکشن ہوں جو ان کا آئینی حق ہے، ہم چیف جسٹس پاکستان کو اس حوالے سے خط لکھیں گے۔

کراچی میں انہوں نے پریس کانفرنس کرتے ہوئے کہا کہ کل صوبائی حکومت نے ایک بار پھر الیکشن کمیشن کو خط لکھ دیا، کہا گیا کہ حلقہ بندیاں کرنی ہیں۔

حافظ نعیم الرحمٰن نے کہا کہ خط میں حلقہ بندیوں سے متعلق ایم کیو ایم کا جواز بتایا گیا ہے، یہ خوف کھاتے ہیں کہ ہار جائیں گے، ان کے سسٹم میں شامل نہیں کہ اختیارات نچلی سطح پر منتقل کیے جائیں۔

انہوں نے کہا کہ تمام پارٹیاں الیکشن سے بھاگتی ہیں اور چاہتی ہیں کہ مل بانٹ کر کھاتے رہیں، ہائی کورٹ نے فیصلہ دیا کہ الیکشن ہوں لیکن بارشوں کو جواز بنا کر ملتوی کر دیے گئے۔

حافظ نعیم الرحمٰن نے کہا کہ آپ ہم سے خوف کیوں کھا رہے ہیں، الیکشن کرائیں، الیکشن کمیشن کی ذمے داری ہے کہ اس معاملے پر تمام اسٹیک ہولڈرز کو بلائے، شفاف الیکشن کرائے، جو جیتے گا ہم اسے مبارک باد دیں گے۔

ان کا کہنا ہے کہ گوادر اور بلوچستان کے عوام کی پریشانیوں کو حکومت کو دور کرنا چاہیے۔

امیرِ جماعت اسلامی کراچی حافظ نعیم الرحمٰن نے مزید کہا کہ بینظیر بھٹو کی برسی پر ایک مرتبہ پھر اظہارِ تعزیت کرتے ہیں، 15 سال میں ان کے قاتل پکڑے جا سکے نہ صحیح سے تفتیش ہو سکی۔

انہوں نے اس موقع پر مطالبہ کیا کہ بینظیر بھٹو کے قاتلوں اور منصوبہ بندی کرنے والوں کو سامنے لایا جائے۔

قومی خبریں سے مزید

Original Article

جلدی الیکشن کرانے کی پی ٹی آئی کی خواہش پوری نہیں ہوسکتی، فیصل کریم کنڈی

والدہ کی جدوجہد سے تحریک لیتے ہیں، بلاول بھٹو زرداری

پاکستانی شوہر سے دونوں بچے لے کر پولینڈ کی خواتین کو دینے کا حکم

بے نظیر بھٹو جمہوری جدوجہد کی روشن علامت ہیں: وزیرِ اعظم شہباز شریف

الیکشن کمیشن: اسلام آباد کے بلدیاتی انتخابات پر فیصلہ محفوظ

انڈس واٹر کمیشن نے ایک بار پھر بھارت کو خط لکھ دیا

لاہور: دھند کے باعث پروازیں متاثر، ٹرینیں تاخیر کا شکار

لاہور: اسموگ کے باعث اسکول، کالج مزید 7 روز بند کرنے کی ہدایت

آج کے دن پاکستان کا مستقبل چھینا گیا: شيرى رحمٰن

بلوچستان: مغربی ہواؤں کا ایک اور سسٹم داخل، بارش کا امکان

طورخم بارڈر سے پاکستان میں داخل 3 افغان باشندوں سے بھاری منشیات برآمد

اسحاق ڈار آئی ایم ایف ملاقات ناکامی کا شکار کیوں ہوئی؟ اسدعمر

ملک کے کئی شہروں میں گیس کا بحران برقرار

نصیر آباد، سیلاب متاثرین کی مشکلات کم نہ ہوسکیں

ملک کے بالائی علاقوں میں شدید برفباری، سردی میں اضافہ

پنجاب کے میدانی علاقوں میں سرِشام شدید دھند