آج صبح کراچی شہر کی فضا بے حد گرد آلود ہے، جس کے باعث یہاں حدِ نگاہ 3 کلو میٹر تک رہ گئی ہے، جبکہ ایئر کوالٹی انڈیکس کے مطابق آج کراچی کی فضا مضرِ صحت بھی ہے۔

محکمۂ موسمیات کے مطابق شہر کا موسم گرد آلود ہونے کے باعث ایئر پورٹ کے قریب حدِ نگاہ 1 اعشاریہ 2 کلو میٹر رہ گئی ہے۔

Table of Contents

x
Advertisement

محکمۂ موسمیات نے بتایا ہے کہ شہرِ قائد کا موسم شام تک گرد آلود رہنے کا امکان ہے۔

ادھر ایئر کوالٹی انڈیکس کا کہنا ہے کہ آج کراچی کی فضا مضرِ صحت ہونے کی وجہ سے شہرِ قائد دنیا کے آلودہ ترین شہروں میں آج 12 ویں نمبر پر ہے۔

ایئرکوالٹی انڈیکس کے مطابق کراچی میں آج آلودہ ذرات کی مقدار 177 پرٹیکیولیٹ میٹرز ریکارڈ کی گئی۔

ایئر کوالٹی انڈیکس کے جاری کیئے گئے اعداد و شمار کے مطابق دنیا کے آلودہ ترین شہروں میں آج چین کا شہر شین یانگ پہلے اور ووہان دوسرے نمبر پر ہے۔

یہ بھی پڑھیے

ایئر کوالٹی انڈیکس کا یہ بھی کہنا ہے کہ درجہ بندی کے مطابق 151 سے 200 درجے تک آلودگی مضرِ صحت ہے، 201 سے 300 درجے تک آلودگی انتہائی مضرِ صحت ہوتی ہے، جبکہ 301 سے زائد درجہ خطرناک آلودگی کو ظاہر کرتا ہے۔

کراچی کے موسم کی صورتِ حال کے حوالے سے محکمۂ موسمیات کا کہنا ہے کہ شہر کا موجودہ درجۂ حرارت 19 ڈگری سینٹی گریڈ ہے، جبکہ کم سے کم درجۂ حرارت 12 سے 14 ڈگری سینٹی گریڈ رہنے کا امکان ہے۔

شہر میں ہوا 10 کلو میٹر فی گھنٹہ کی رفتار سے چل رہی ہے، جس میں نمی کا تناسب 17 فیصد ہے، جبکہ شمال مغرب سے ہوائیں 18 سے 36 کلو میٹر فی گھنٹہ کی رفتار سے چلنے کا امکان ہے۔

قومی خبریں سے مزید