سندھ ہائی کورٹ نے بلدیاتی انتخابات میں تاخیر کے خلاف درخواستوں کی سماعت کا تحریری فیصلہ جاری کر دیا۔
عدالتِ عالیہ نے اپنے تحریری فیصلے میں حکم دیا ہے کہ الیکشن کمیشن 3 دسمبر تک بلدیاتی انتخابات کے شیڈول کا اعلان کرے، بلدیاتی انتخابات سے متعلق 60 روز میں تمام اقدامات مکمل کرے، بلدیاتی انتخابات کی تاریخ 2 ماہ کے اندر اندر ہونا چاہیے۔
تحریری فیصلے میں سندھ ہائی کورٹ کا کہنا ہے کہ عدالت الیکشن کمیشن کو مجبور نہیں کرسکتی، حکومتِ سندھ بلدیاتی انتخابات کے لیے سیکیورٹی اور تمام سہولتیں دینے کی پابند ہے۔
الیکشن کمیشن کو کراچی، حیدرآباد میں بلدیاتی انتخابات کے شیڈول کا اعلان کرنے کا حکم
سندھ ہائی کورٹ نے جماعتِ اسلامی اور پی ٹی آئی کی درخواستوں پر فیصلہ سنادیا۔
عدالت کا تحریری فیصلے میں کہنا ہے کہ الیکشن کمیشن 15 روز میں الیکشن کا شیڈول جاری کرے، چیف سیکریٹری اور آئی جی سندھ اس ضمن میں ضروری اقدامات کے پابند ہوں گے۔
سندھ ہائی کورٹ نے تحریری فیصلے میں بتایا ہے کہ ایم کیو ایم نے قانون سازی، حلقہ بندیوں، ووٹر لسٹوں کی درستگی تک الیکشن نہ کرانےکی استدعا کی اور حلقہ بندیوں اور بلدیاتی اداروں کو اختیارات ملنے تک الیکشن نہ کرانے کی تجویز دی۔
تحریری فیصلے میں عدالتِ عالیہ نے کہا ہے کہ ایم کیو ایم کی درخواستوں میں ایسا ٹھوس مؤقف نہیں ہے اور اس کے مؤقف میں اتنی جان نہیں جس کی بنیاد پر الیکشن ملتوی کیے جائیں۔
عدالت نے تحریری فیصلے میں کہا ہے کہ سیلابی صورتِ حال اور سیکیورٹی کی عدم فراہمی پر 4 ماہ سے الیکشن تاخیر کا شکار ہیں، سیلاب کی وجہ سے ابھی تک الیکشن شیڈول ہمارے سامنے نہیں آیا ہے۔
سندھ ہائی کورٹ کا تحریری فیصلے میں مزید کہنا ہے کہ اتنے عرصے کے دوران حکومت کو اس کا کوئی نہ کوئی حل نکالنا چاہیے تھا۔
کراچی میں بلدیاتی انتخابات پر الیکشن کمیشن کا فیصلہ محفوظ
الیکشن کمیشن آف پاکستان نے کراچی میں بلدیاتی انتخابات کے حوالے سے فیصلہ محفوظ کر لیا۔
تحریری فیصلے میں عدالتِ عالیہ نے یہ بھی کہا ہے کہ سیکیورٹی کی عدم فراہمی کی بنیاد پر الیکشن غیر معینہ مدت تک ملتوی نہیں ہو سکتے۔
واضح رہے کہ سندھ ہائی کورٹ کے چیف جسٹس کی سربراہی میں 2 رکنی بینچ نے 14 نومبر کو اس کیس کا فیصلہ محفوظ کیا تھا۔
سندھ ہائی کورٹ نے آج ہی بلدیاتی انتخابات میں تاخیر کے خلاف جماعتِ اسلامی اور پی ٹی آئی کی درخواستیں منظور کرتے ہوئے ان کے حق میں فیصلہ سنایا اور کراچی اور حیدر آباد ڈویژن میں بلدیاتی انتخابات کرانے کا حکم دیا ہے۔
دوسری جانب 15 نومبر کو الیکشن کمیشن بھی کراچی میں بلدیاتی انتخابات کرانے کے معاملے پر فیصلہ محفوظ کر چکا ہے۔
الیکشن کمیشن محفوظ کیا گیا فیصلہ منگل 22 نومبر کو سنائے گا۔
قومی خبریں سے مزید
-
لاہور: خاتون کا نکاح نامہ 10 سال بعد جعلی قرار
لاہور میں جعلی نکاح نامے کے خلاف قانونی جنگ لڑنے والی خاتون 10 سال بعد کامیاب ہو گئیں۔
-
براہ کرم ہمارے رونگٹے کھڑے کرنا بند کردیں، فواد چوہدری کی ایلون مسک سے اپیل
پاکستان تحریک انصاف (پی ٹی آئی) کے رہنما فواد چوہدری نے ٹوئٹر کے سربراہ ایلون مسک سے اپیل کردی۔
-
حوالہ ہنڈی کا شبہ، کراچی کی بولٹن مارکیٹ میں FIA کے چھاپے
وفاقی تحقیقاتی ادارے ایف آئی اے کے اسٹیٹ بینک سرکل نے کراچی کے اولڈ سٹی ایریا میں واقع بولٹن مارکیٹ میں غیر ملکی کرنسی کا کاروبار کرنے والے متعدد دفاتر پر چھاپے مار کر کئی افراد کو حراست میں لیا ہے۔
-
اسلام آباد: سیدپور کے گاؤں میں تیندوؤں کے آنے کی تصدیق ہوگئی
اسلام آباد کے گاؤں سیدپور میں گاؤں میں رات گئے تیندوؤں کے آنے کی تصدیق کردی گئی۔
-
گھڑی آپ کے اور وقت عمران خان کے پاس ہے، شہزاد وسیم
پی ٹی آئی رہنماؤں نے سپریم کورٹ کے باہر میڈیا سے گفتگو کرتے ہوئے کہا کہ آپ کے پاس گھڑی ہے اور وقت عمران خان کے پاس ہے آزادی کا قافلہ اسلام آباد سے چند قدم پرہے، اب یہ حقیقی آزادی کا لانگ مارچ رُکے کا نہیں۔
-
عمران خان نے 6 ماہ قبل کیا پیشگوئی کردی تھی؟
پاکستان تحریک انصاف (پی ٹی آئی) کے چیئرمین عمران خان نے کہا کہ6 ماہ قبل ہی پیش گوئی کردی تھی کہ تبدیلی سرکار ہماری قرض واپسی کی صلاحیت نیست ونابود کردے گی۔
-
توہینِ عدالت کیس: عمران خان کو شواہد پر جواب دینےکی مہلت
سپریم کورٹ آف پاکستان نے توہینِ عدالت کیس میں چیئرمین پی ٹی آئی عمران خان کو شواہد پر جواب دینے کے لیے مہلت دے دی۔
-
معظم کو کلاشنکوف، عمران خان کو پستول کی گولی لگی: فیصل واؤڈا
پاکستان تحریکِ انصاف کے سابق رہنما فیصل واؤڈا کا کہنا ہے کہ وزیرِ آباد میں پی ٹی آئی کے لانگ مارچ میں معظم کو کلاشنکوف اور عمران خان کو پستول کی گولی لگی۔
-
پی ٹی آئی لانگ مارچ، راولپنڈی پولیس نے سیکیورٹی پلان کو حتمی شکل دیدی
پاکستان تحریک انصاف (پی ٹی آئی) کے لانگ مارچ کے لیے راولپنڈی پولیس نے سیکیورٹی پلان کوحتمی شکل دے دی ہے۔
-
صدر مملکت عارف علوی سے وزیر خزانہ اسحاق ڈار کی ملاقات
صدرمملکت سے وزیرخزانہ اسحاق ڈار کی ملاقات،اعلامیہ ایوان صدر
-
فردوس شمیم کا بلدیاتی انتخابات سے متعلق فیصلے پراظہارِ مایوسی
پاکستان تحریک انصاف کے رہنما فردوس شمیم نقوی نے سندھ ہائیکورٹ کے کراچی اور حیدرآباد ڈویژن میں بلدیاتی الیکشن کرانے کے حکم پر مایوسی کا اظہار کردیا۔
-
پی ٹی آئی کو جلسے کے این او سی کے لیے انتظامیہ کو نئی درخواست دینے کی ہدایت
پی ٹی آئی کی جلسے اور دھرنے کے لیے این او سی کے اجراء کی درخواست پر سماعت کرتے ہوئے اسلام آباد ہائی کورٹ نے حکم دیا ہے کہ تحریکِ انصاف جلسے و دھرنے کے لیے انتظامیہ سے اجازت لے۔
-
الیکشن کمیشن کو کراچی، حیدرآباد میں بلدیاتی انتخابات کے شیڈول کا اعلان کرنے کا حکم
سندھ ہائی کورٹ نے جماعتِ اسلامی اور پی ٹی آئی کی درخواستوں پر فیصلہ سنادیا۔
-
کراچی: سرجانی میں ڈمپر کی ٹکر سے طالبعلم جاں بحق، 2 بھائی زخمی
کراچی کے علاقے سرجانی ٹاؤن میں تیز رفتار ڈمپر کی ٹکر سے ایک طالب علم جاں بحق جب کہ متوفی کے 2 بھائی شدید زخمی ہو گئے۔
-
جعفر ایکسپریس اتوار سے چلانے کا اعلان
ریلوے حکام کے مطابق کوئٹہ سے مسافروں کو بسوں کے ذریعے مچ تک پہنچایا جائے گا
-
بلدیاتی الیکشن سے متعلق درخواستوں پر فیصلہ آج
چیف جسٹس کی سربراہی میں 2 رکنی بنچ نے 14 نومبر کو کیس کا فیصلہ محفوظ کیا تھا۔