Categories
Breaking news

کراچی میں قونصل جنرل جاپان توشی کازو ایسومورا کا گرین لائن بس پر سفر

قونصل جنرل جاپان برائے کراچی توشی کازو ایسومورا نے اپنے عملے کے ہمراہ حال ہی میں شروع ہونے والی گرین لائن بس سروس پر سفر کیا۔

قونصل خانہ جاپان کراچی کے پولیس اتاشی اور دیگر عملہ بھی توشی کازو ایسومورا کے ہمراہ تھا، قونصل جنرل جاپان کسی کو اطلاع دیے بغیر ایک عام مسافر کے طور پر گرین لائن بس سروس کے مرکزی اسٹیشن پہنچے۔

قونصل جنرل توشی کازو ایسومورا نے نمائش چورنگی اسٹیشن پر مسافروں کی قطار میں لگ کر خود ٹکٹ خریدا اور کلیئرنس کے بعد مسافروں کے ساتھ بس میں بیٹھ گئے، قونصل جنرل جاپان نے اس آزمائشی سفر کے دوران روٹ اور گرین لائن بس کا بھی باریک بینی سے جائزہ لیا۔

کراچی گرین لائن بس سے گھنٹوں کا سفر منٹوں میں طے ہونے لگا

کراچی میں وفاق کے زیرِ انتظام منصوبے گرین لائن بس سروس کا آج دوسرا دن ہے، اس بس سے گھنٹوں کا سفر اب منٹوں میں طے ہو رہا ہے۔

گرین لائن بس کا سفر کرکے قونصل جنرل توشی کازو ایسومورا ناظم آباد میں گولیمار کے سینٹری اسٹاپ پر اتر گئے، توشیکازو ایسومورا نے سفر پرخوشی کا اظہار کیا۔

انہوں نے کہا کہ جاپان میں تو یہ عام چیز ہے، کراچی میں یہ جدیدیت دیکھ کر خوشی ہوئی ہے۔

انہوں نے کہا یہ سروس ابھی نامکمل ہے، کچھ خامیاں ہیں کوئی بات نہیں۔ گرین لائن بس سروس مکمل فعال ہوجائے گی تو وہ پھر دورہ کریں گے۔

قومی خبریں سے مزید

Original Article

Leave a Reply

Your email address will not be published.