Categories
Breaking news

کراچی میں جماعت اسلامی کے دھرنے میں مصطفیٰ کمال کی آمد

پاک سرزمین پارٹی (پی ایس پی) کے چیئرمین اور سابق سٹی ناظم مصطفیٰ کمال بلدیاتی بل میں ترامیم کے خلاف سندھ اسمبلی کے باہر 11 روز سے جاری جماعت اسلامی کے دھرنے میں پہنچ گئے۔

مصطفیٰ کمال نے دھرنے کے شرکاء سے خطاب کرتے ہوئے کہا کہ میرے دھرنے میں آنے کا مقصد یہ بتانا ہے کہ دھرنے پر بیٹھے لوگ اکیلے نہیں ہیں۔

پی ایس پی کے چیئرمین نے کہا کہ ہم جماعت اسلامی کے ساتھ دھرنے میں کارکنوں سمیت جماعت اسلامی کے جھنڈے تلے بیٹھنے کے لیے تیار ہیں۔

امیر جماعت اسلامی کراچی حافظ نعیم الرحمان نے کہا کہ ان کی جدوجہد اس شہر اور عوام کے لیے ہے۔

کراچی: جماعتِ اسلامی کے دھرنے کا نواں دن، مظاہرین میں مسلسل اضافہ

سندھ میں بلدیاتی قانون کے خلاف کراچی میں جماعت اسلامی کا دھرنا جاری ہے، سندھ اسمبلی کے سامنے دھرنے میں شرکت کے لیے کارکنان کی آمد بھی جاری ہے۔

واضح رہے کہ سندھ میں متنازع بلدیاتی قانون کے خلاف کراچی میں سندھ اسمبلی کے باہر جماعتِ اسلامی کا احتجاجی دھرنا گیارہویں روز بھی جاری ہے۔

شدید سردی کے باوجود جماعت اسلامی کے کارکنان دن رات دھرنے میں موجود ہیں جو مطالبات کی منظوری تک احتجاج ختم کرنے کے لیے تیار نہیں ہیں۔

مظاہرین کا کہنا ہے کہ جب تک سندھ بلدیاتی قانون تبدیل نہیں کیا جاتا دھرنا جاری رہے گا۔

قومی خبریں سے مزید

Original Article

Leave a Reply

Your email address will not be published. Required fields are marked *