کراچی میں آج بھی شدید گرمی، پارہ 40 ڈگری کو چھو سکتا ہے

ملک کے سب سے بڑے شہر کراچی میں آج صبح ہی سے شدید گرمی ہے اور پارہ 40 ڈگری تک پہنچنے کا امکان ہے۔

محکمۂ موسمیات کے مطابق آئندہ 24 گھنٹوں کے دوران شہرِقائد کا موسم گرم اور خشک رہنے کا امکان ہے۔

شہر میں کم سے کم درجۂ حرارت 29 اعشاریہ 6 ڈگری سینٹی گریڈ ریکارڈ ہوا، جبکہ زیادہ سے زیادہ درجۂ حرارت 38 سے 40 ڈگری سینٹی گریڈ رہنے کا امکان ہے۔

کراچی میں مغرب کی سمت سے ہوائیں 18 سے 27کلو میٹر فی گھنٹہ کی رفتار سے چل رہی ہیں، جن میں نمی کا موجودہ تناسب 46 فیصد ریکارڈ کیا گیا ہے۔

محکمۂ موسمیات کا یہ بھی کہنا ہے کہ دن میں مغرب اور شمال مغرب سے تیز گرد آلود ہوائیں چلنے کا بھی امکان ہے۔

قومی خبریں سے مزید

وزیرِ اعظم شہباز شریف کے دورۂ سعودی عرب کا مشترکہ اعلامیہ جاری