Categories
Breaking news

کراچی: موسمیات کے قریب بیٹری کی دکان میں دھماکا، خاتون اور 2 بچے جاں بحق

Advertisement

کراچی کے علاقے گلستان جوہر میں موسمیات چورنگی کے قریب بیٹری کی دکان میں دھماکے سے خاتون اور 2 بچے جاں بحق جبکہ 6 افراد شدید زخمی ہو گئے۔

ڈائریکٹر ڈاکٹر سیمی جمالی کے مطابق گلستان جوہر میں دھماکے کے نتیجے میں جاں بحق ہونے والے دو بچوں اور ایک خاتون کی لاش جناح اسپتال منتقل کردی گئی ہے۔

پولیس کے مطابق دھماکے میں جاں بحق ہونے والے افراد ایک ہی خاندان سے تعلق رکھتے ہیں، جاں بحق دونوں بچے بہن بھائی جبکہ خاتون اُن کی والدہ ہے۔

پولیس کے مطابق جاں بحق بچوں کی شناخت فاطمہ اور عبداللّٰہ جبکہ خاتون کی شناخت سعدیہ کے نام سے ہوئی ہے۔

پولیس کا دھماکے میں ہونے والے نقصان سے متعلق مزید بتانا ہے کہ دھماکے میں 5 افراد زخمی ہیں اور 3 گاڑیوں سمیت بیٹری، پیزا اور اسٹیٹ ایجنسی کی دکان کو بھی شدید نقصان پہنچا ہے، پیزا کی دکان میں سلنڈر موجود تھے۔

ایس ایس پی ایسٹ ساجد امیر سدوزئی کے مطابق دھماکا الجدید موڑ کے قریب یونیورسٹی روڈ پر ہوا، واقعے کی جگہ بم ڈسپوزل اسکواڈ طلب کر لیا گیا ہے جو وقوعہ کا معائنہ کرنے کے بعد تعین کرے گا کہ دھماکا کسی گاڑی میں ہوا یا بیٹری کی دکان میں ہوا۔

انہوں نے بتایا کہ ابتدائی طور پر یہ واقعہ حادثہ لگتا ہے جبکہ دہشتگردی کے شواہد سامنے نہیں آئے ہیں۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *