کراچی: مبینہ مقابلہ، 1 ڈاکو ہلاک، 1 فرار، 3 گرفتار

کراچی میں نمائش چورنگی کےقریب مبینہ پولیس مقابلہ ہوا ہے جس کے دوران پولیس سے فائرنگ کے تبادلے میں 1 ملزم ہلاک، جبکہ 3 زخمی ہو گئے۔

پولیس کے مطابق ملزمان ایک گھرمیں ڈکیتی کی نیت سےداخل ہوئے، جنہوں نے اہلِ خانہ کو رسیوں سے باندھ دیا۔

x
Advertisement

دوسری جانب 15 پر اطلاع ملنے پر پولیس موقع پر پہنچی تو اس کا ملزمان سے فائرنگ کا تبادلہ ہوا، فائرنگ کے تبادلے میں 4 ملزمان زخمی ہو گئے، 1 زخمی ملزم سول اسپتال میں دورانِ علاج دم توڑ گیا۔

ایس پی جمشید ٹاؤن فاروق بجارانی کے مطابق 5 ڈاکو پاسٹر جارج نامی شخص کے گھر میں ڈکیتی کے لیے آئے تھے، جن میں سے 1 ڈاکو مقابلے میں مارا گیا۔

انہوں نے بتایا کہ 3 ڈاکو زخمی حالت میں گرفتار کر لیے گئے جبکہ 1ڈاکو فرار ہونے میں کامیاب ہو گیا ہے، زخمی ڈاکوؤں میں سے 1 کی حالت تشویش ناک ہے۔

یہ بھی پڑھیے

ایس پی جمشید ٹاؤن کا کہنا ہے کہ پاسٹر جارج کے بیٹے نے 15 پر ڈکیتی کی اطلاع دی تھی، پولیس موقع پر پہنچی تو ڈاکوؤں کے ساتھ فائرنگ کا تبادلہ ہوا۔

انہوں نے یہ بھی بتایا کہ ہلاک اور زخمی ڈاکوؤں کی شناخت کا عمل جاری ہے، جبکہ فرار ہونے والے ڈاکو کی تلاش بھی کی جا رہی ہے۔

قومی خبریں سے مزید