کراچی: دیور بھابھی کو یرغمال بنانیوالے 3 ڈاکو پولیس مقابلے میں ہلاک

—فائل فوٹو

کراچی کے علاقے گلبرگ میں پولیس سے مقابلے کے دوران ہلاک ہونے سے قبل سلور گینگ کے ڈاکوؤں نے خاتون اور مرد کو یرغمال بنایا تھا۔

گلبرگ بلاک 12 میں بمبئ بیکری کے قریب پولیس سے مقابلے میں 3 ڈاکو ہلاک ہو گئے جبکہ ایک فرار ہونے میں کامیاب رہا۔

ہلاک ڈاکوؤں کی لاشیں ایدھی ایمبولینس کے ذریعے عباسی شہید اسپتال منتقل کر دی گئی ہیں۔

گلبرگ بلاک 12 میں 3 ملزمان گھر میں ڈکیتی کے لیے داخل ہوئے تھے کہ اطلاع ملنے پر پولیس فوری پہنچ گئی۔

ملزمان نے بنگلے کے رہائشی حامد رضا اصغر اور ان کی بھابی کو یرغمال بنا لیا تھا اور انہیں گھسیٹتے ہوئے باہر لے گئے تھے۔

ملزمان نے آگے جا کر خاتون اور مرد کو چھوڑ دیا تھا، 4 میں سے 3 ملزمان نے پینٹ شرٹ اور 1 نے شلوار قمیض پہنی ہوئی تھی۔

قومی خبریں سے مزید

ارشد شریف کی ماں کو پوسٹمارٹم رپورٹ کیلئے سپریم کورٹ جانا پڑا، شیخ رشید