کراچی: آن لائن ہتھیار فروخت کرنیوالا گروہ اسلحہ لائسنس بنانے میں بھی ملوث

تصویر بشکریہ CTD

کراچی میں آن لائن اسلحہ فروخت کرنے والا گروہ جدید طرز کے غیر قانونی اسلحہ لائسنس بنانے میں بھی ملوث ہے جس کی آڑ میں اسلحہ درہ آدم خیل، پشاور اور ڈی آئی خان سے کراچی اسمگل کیا جاتا ہے۔

سندھ پولیس کے کاؤنٹر ٹیررازم ڈپارٹمنٹ (سی ٹی ڈی) کے انٹیلی جنس کے سربراہ راجہ عمر خطاب کے مطابق اس الزام کے تحت گزشتہ روز قبل گرفتار ہونے والے 4 ملزمان نے دورانِ تفتیش سنسنی خیز انکشافات کیے ہیں۔

انہوں نے بتایا کہ ملزمان کے قبضے سے 18 جدید پستول، دیگر اسلحہ، میگزین اور بھاری تعداد میں گولیاں برآمد ہوئیں، ملزمان نے انکشاف کیا ہے کہ اسلحے کی اسمگلنگ میں ملوث ان کا گروہ ہوبہو اصلی جیسا جعلی لائسنس بھی بنا کر دیتا ہے۔

سی ٹی ڈی سندھ کے انٹیلی جنس کے سربراہ راجہ عمر خطاب پکڑا گیا غیر قانونی اسلحہ دکھاتے ہوئے

راجہ عمر خطاب کا کہنا ہے کہ ملزمان کے مطابق ان کا گروہ مطلوبہ افراد کی تصاویر، فنگر پرنٹس، دستخط اور شناختی کارڈ وغیرہ واٹس ایپ پر منگواتا ہے، جن کے ذریعے انتہائی مہارت کے ساتھ وزارتِ داخلہ پاکستان سے جاری کردہ جدید اسلحہ لائسنس کی طرح کا ہوبہو اسلحہ لائسنس تیار کیا جاتا ہے جس کے اوپر کیو آر کوڈ بھی ہوتا ہے۔

انہوں نے بتایا کہ کوئی بھی ایجنسی یا ادارہ اس کیو آر کوڈ کو چیک کرتا ہے تو اس کی تمام تفصیلات سامنے آ جاتی ہیں جس سے چیک کرنے والے کو لگتا ہے کہ وہ اسلحہ لائسنس اصلی ہے، مگر وزارتِ داخلہ میں اس کا کوئی ریکارڈ نہیں ہوتا اور وہ جعلی ہوتا ہے۔

راجہ عمر خطاب کے مطابق غیر قانونی اسلحے کی اسمگلنگ میں اس طرح کے لائسنس استعمال کیے جاتے ہیں، اس دھندے میں خیبر پختون خوا کے بیشتر اسلحہ ڈیلر اور دکانداروں کے علاوہ کراچی اور سندھ کے دیگر اضلاع کے اسلحہ ڈیلر اور پرائیویٹ سیکیورٹی کمپنیوں کے لوگ بھی ملوث ہیں۔

انہوں نے بتایا کہ گورنمنٹ آف سندھ کے قانون کے تحت ہر اسلحہ ڈیلر فروخت کردہ ہتھیار کے دو چلیدہ خول ایف ایس ایل میں جمع کرانے کا پابند ہے مگر ایک اہم اور خطرناک مشاہدہ سامنے آیا ہے کہ ایسا نہیں کیا جا رہا، یہی وجہ ہے کہ اسمگل شدہ اسلحے کا کسی بھی طرح کا کسی بھی جگہ ریکارڈ موجود نہیں ہوتا۔

راجہ عمر خطاب نے مزید بتایا کہ تمام اسلحہ ڈیلر بھاری تعداد میں گولیاں فروخت کرنے میں ملوث ہیں، دکاندار بڑے منظم طریقے سے غیر قانونی اسلحے کا غیر قانونی طور پر اسلحہ لائسنس پر اندراج کر رہے ہیں۔

انہوں نے یہ بھی بتایا ہے کہ شوقین مزاج نئی نسل، جرائم پیشہ افراد، دہشت گرد تنظیمیں اور دیگر لوگ اس طرح کی غیر قانونی سرگرمیوں میں ملوث ہیں۔

قومی خبریں سے مزید

Original Article

ملک بھر میں میڈیکل اور ڈینٹل کالجز میں داخلوں کیلئے انٹری ٹیسٹ کا انعقاد

کراچی: میڈیکل داخلہ ٹیسٹ، تیاریاں مکمل، امیدوار کی آمد کا سلسلہ جاری

کراچی: سیکیورٹی گارڈ نے گداگر بچے کو بھیک مانگنے پر قتل کر دیا

کراچی: 2 موٹر سائیکلوں کی آپس میں ٹکر، 2 لڑکے جاں بحق

ارشد شریف کا قتل غلط شناخت کا معاملہ ہے، جمشید خان

عمران پر حملےکا ملزم اب تک عدالت نہیں لایا گیا، عطا تارڑ

ارشد شریف قتل کیس، وقار احمد اور خرم احمد کی زندگی کو بھی خطرات لاحق

کراچی کے علاقے ناظم آباد میں ٹک ٹاکرز کو لوٹنے کی کوشش ناکام

ارشد شریف کی تصاویر لیک ہونے کے معاملے پر کمیٹی تشکیل

کراچی: کورنگی میں موٹرسائیکل سواروں کی فائرنگ سے 2 افراد جاں بحق

وزیراعظم شہباز شریف اتوار کی شام لندن سے وطن روانہ ہوں گے

عمران خان نے پاکستان کو تباہی کے دہانے پر لا کھڑا کیا، امریکی اخبار

آرمی چیف کی تعیناتی چیئرمین نیب کی تعیناتی نہیں، احسن اقبال

بدھا کے مجسمے کو پتھر مارنے کے الزام میں نوجوان گرفتار

سعودی ولی عہد کا دورہ پاکستان کے داخلی معاملات کے باعث ملتوی نہیں ہوا، طاہر اشرفی

20 غریب ترین اضلاع کیلئے ترقیاتی منصوبے کا آغاز

کراچی: بذریعہ، فیس بک، واٹس ایپ اسلحہ فروخت کرنیوالا گروہ گرفتار