کراچی کا موسم آج بھی گرم اور خشک رہنے کا رہنے کا امکان ہے، تاہم آج سے درجۂ حرارت میں کمی بھی ہو گی۔

محکمۂ موسمیات کی جانب سے آج شہر میں زیادہ سے زیادہ درجۂ حرارت 36 سے 38 ڈگری سینٹی گریڈ تک رہنے کا امکان ظاہر کیا گیا ہے۔

گزشتہ روز کراچی میں اپریل میں شدید ترین گرمی کا اس وقت ریکارڈ ٹوٹ گیا جب پارہ 44 ڈگری سینٹی گریڈ پر پہنچ گیا۔

محکمۂ موسمیات نے کہا ہے کہ ملک بھر میں اپریل میں بارشیں معمول سے کم جبکہ درجۂ حرارت زیادہ رہے گا۔

رواں ماہ پنجاب، سندھ اور خیبر پختون خوا میں ایک یا دو بار گرمی کی لہر آئے گی۔

محکمۂ موسمیات نے ماہِ اپریل کے حوالے سے پیش گوئی کی ہے کہ رواں ماہ بارشوں کے ایک یا دو سلسلے متوقع ہیں۔

محکمۂ موسمیات کے مطابق پنجاب، سندھ اور بلوچستان میں گرمی کی ایک یا دو لہریں آئیں گی۔

یہ بھی پڑھیے

بالائی پنجاب اور خیبر پختون خوا میں گرد آلود آندھیوں سے گندم کی فصل کو نقصان کا خدشہ ہے۔

محکمۂ موسمیات نے بتایا ہے کہ رمضان المبارک میں بالائی علاقوں کا درجۂ حرارت نارمل اور زیریں علاقوں کا قدرے زیادہ رہے گا۔

محکمۂ موسمیات کے مطابق آئندہ 24 گھنٹوں کے دوران اسلام آباد میں موسم جزوی ابر آلود رہے گا جبکہ کشمیر اور اس سے ملحقہ پہاڑی علاقوں میں گرج چمک کے ساتھ بارش کا امکان ہے۔

قومی خبریں سے مزید