Categories
Breaking news

کراچی آنے والی خیبر میل ایکسپریس کو میاں چنوں کے قریب حادثہ

جائے حادثہ سے لی گئی تصویر
جائے حادثہ سے لی گئی تصویر

لاہور سے کراچی آنے والی خیبر میل ایکسپریس کو میاں چنوں کے قریب حادثہ پیش آیا ہے ۔

ریلوے ذرائع کے مطابق ڈرائیور کی غلطی نے سیکڑوں مسافروں کی جان کو خطرے میں ڈال دیا، 2 ڈاؤن خیبر میل ایکسپریس کی کئی بوگیاں پٹری سے اتر گئیں تاہم حادثے میں کسی جانی نقصان کی اطلاع نہیں ملی ہے۔

ریلوے ذرائع کا بتانا ہے کہ خیبر میل کے ڈرائیورز حنیف غازی نے قریبی عزیز کے انتقال پر چارج چھوڑا اور ٹرین کا چارج ڈرائیور محمد زبیر کے حوالے کر کے روانہ ہوگیا۔

ریلوے ذرائع کے مطابق چارج لینے کے بعد آنے والے ڈرائیور زبیر نے بریکنگ پاور کو چیک نہیں کیا، بریکنگ پاور چیک نہ ہونے کی وجہ سے ڈرائیور بریک پر کنٹرول نہ رکھ سکا۔

ذرائع کا بتانا ہے کہ خیبر میل ایکسپریس ایک گھنٹے سے زائد وقت سے میاں چنوں اسٹیشن کے قریب کھڑی ہے۔

دوسری جانب ریلوے ذرائع کا کہنا ہے کہ ریل کو پیش آنے والے حادثے سے متعلق مزید تحقیقات جاری ہیں۔

قومی خبریں سے مزید

Original Article

Leave a Reply

Your email address will not be published. Required fields are marked *