Categories
Breaking news

کاش وزیراعظم مدارس کے لیے ہماری خدمات کا ذکر بھی کردیتے، چودھری شجاعت

Advertisement

وفاقی حکومت کی اتحادی جماعت مسلم لیگ ق کے صدر چودھری شجاعت حسین نے کہا ہے کہ کاش وزیراعظم تعلیم اور مدارس کیلئے ہماری خدمات کا بھی ذکر کردیتے۔

چودھری شجاعت نے قومی اسمبلی میں وزیراعظم عمران خان کی تقریر پر ردعمل دیتے ہوئے کہا کہ مشرف دور میں مدارس کے حق میں کھل کر بات کرنا ممکن نہ تھا، علما، پرویز الہٰی اور میں نے مدارس کے حق میں آواز اٹھائی تھی۔

صدر ق لیگ نے کہا کہ پرویزمشرف نے ہمارے کہنے پر یو این او میں اس معاملے پر بات کی۔

انہوں نے کہا کہ نصاب میں تبدیلی پر وزیر تعلیم شفقت محمود سے تین بار بات ہوئی، وزیر تعلیم نے یقین دلایا کہ میری تجاویز کابینہ کے سامنے رکھیں گے۔

چودھری شجاعت نے کہا کہ میں نے صوبوں اور وفاق میں یکساں نصاب کا مشورہ دیا تھا، قومی سوچ اجاگر کرنے والے مضامین نصاب سے نکال دیئے گئےتھے، میں نے آواز اٹھائی تھی کہ ایسا کرنا زیادتی ہے۔

صدر ق لیگ نے کہا کہ حکومت کشمیر کے معاملے کو سنجیدگی سے لے، مقبوضہ کشمیر میں لڑکیوں کے والدین کس سے فریاد کریں۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *