Categories
Breaking news

ڈی جے بٹ سے غیرقانونی رائفل برآمد ہوئی ہے، پولیس کا دعویٰ

Advertisement

لاہور پولیس نے مینار پاکستان پر پی ڈی ایم کے جلسے کے ساؤنڈ سسٹم چلانے والے ڈی جے بٹ کو گرفتار کر لیا، میوزک سسٹم فراہم کرنے والے پر غیر قانونی اسلحہ رکھنے کا مقدمہ بنایا گيا ہے۔

سیاسی جلسوں میں ساؤنڈ سسٹم فراہم کرنے سے ملک بھر میں شہرت حاصل کرنے والے ڈی جے بٹ کو شناخت ہی تحریک انصاف کے جلسوں سے ملی۔

ڈی جے بٹ نے تحریک انصاف کے جلسوں میں میوزک کا تڑکا لگایا اور کارکنوں کو انگلیوں پر نچایا، بس پھر کیا تھا تحریک انصاف اور ڈی جے بٹ ایک جان دو قالب ہوگئے، جہاں عمران کا جلسہ، وہاں ڈی جے بٹ کا میوزک ہوتا تھا، صرف یہی نہيں بلکہ عمران خان کے تاریخی دھرنے کے لیے تو ڈی جے بٹ نے اسپیشل میوزک بھی تیار کیے۔

اور پھر ایک وقت ایسا بھی آیا کہ نواز حکومت میں عمران خان پر تو کوئی مشکل نہ آئی لیکن ڈی جے بٹ اپنے میوزک سسٹم سمیت تھانے کچہری کا منہ دیکھ آئے۔

تاریخ نے بہت جلد ہی خود کو دہرالیا، اب سیاسی بساط پر وہی جال بچھا ہے لیکن کل کی اپوزيشن آج کی حکومت اور کل کی حکومت آج کی اپوزيشن ہے،

اسی کل کی حکومت نے آج ڈی جے بٹ کی خدمات حاصل کرلی ہيں تاکہ جلسوں میں شرکا کاجوش و خروش بڑھایا جاسکے اور اسی آج کی حکومت نے کل کی حکومت کا رویہ اپنالیا ہے۔

یہ بھی پڑھیے

ڈی جے بٹ پکڑا گیا، ان کے خلاف کارِ سرکار میں مداخلت، پولیس سے ہاتھا پائی اور غیر قانونی رائفل رکھنے پر مقدمہ بھی درج کیا گیا۔

اس صورتحال پر ن لیگ کے سینیٹر پرویز رشید نے بیان میں کہا کہ ’عمران کے جلسوں کو رونق بخشنے والے ڈی جے بٹ کی عمران خان کے ہاتھوں گرفتاری، اس قول کی سچائی ہے کہ ’جس پر احسان کرو اس کے شر سے بچو‘۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *