Categories
Breaking news

ڈی جی KDA آصف علی میمن کا ہتھکڑیاں لگوانے سے انکار

ڈی جی KDA آصف علی میمن کا ہتھکڑیاں لگوانے سے انکار

کراچی میں ایڈیشنل ڈسٹرکٹ اینڈ سیشن جج جنوبی کی عدالت میں گرفتار ڈی جی کے ڈی اے آصف علی میمن نے ہتھکڑیاں لگوانے سے صاف انکار کر دیا اور تفتیشی افسر سے کہا کہ مجھے گرفتار غیر قانونی طریقے سے کیا گیا ہے آپ مجھے ہتھکڑیاں نہیں لگا سکتے۔

ایڈیشنل ڈسٹرکٹ اینڈ سیشن جج جنوبی کی عدالت میں اینٹی کرپشن پولیس کی ڈی جی کے ڈی اے کو ہتھکڑی لگانے کی درخواست پر سماعت ہوئی جس میں ملزمان نے ہتھکڑیاں لگوانے سے صاف انکار کردیا۔

نسلہ ٹاور کیس، ڈی جی KDA کو گرفتار کرلیا گیا

نسلہ ٹاور کیس میں ڈی جی کے ڈی اے آصف علی میمن کو گرفتار کرلیا گیا۔

ڈی جی کے ڈی اے آصف میمن نے تفتیشی افسر کو جواب دیا کہ آپ مجھے ہتھکڑیاں نہیں لگا سکتے، آپ نے مجھے گرفتار ہی غیر قانونی طریقے سے کیا ہے، ایک 20 گریڈ کے افسر کو آپ بغیر اجازت کے کیسے گرفتار کرسکتے ہیں۔

آصف میمن نے کہا کہ آپ کو قانون کا ہی نہیں پتہ اور آئے ہیں مجھے ہتھکڑیاں لگانے، میں نے نجم شاہ کا آرڈر نہیں کیا تو آپ مجھے گرفتار کرکے لے آئے۔

انہوں نے مزید کہا کہ مجھے گرفتار کرنے سے پہلے آپ کو وزیراعلیٰ سے اجازت لینی چاہیے تھی، اگر میں نے کچھ غلط کیا تو چیف سیکریٹری میرے خلاف محکمہ جاتی کارروائی کرتے۔

واضح رہے کہ ڈائریکٹر جنرل کراچی ڈویلپمنٹ اتھارٹی (کے ڈی اے) آصف علی میمن سمیت 3 افسران کو اینٹی کرپشن نے زمینوں کی غیر قانونی الاٹمنٹ پر گرفتار کر کے مقدمہ درج کر لیا گیا ہے۔

قومی خبریں سے مزید

Original Article

Leave a Reply

Your email address will not be published. Required fields are marked *