Categories
Breaking news

ڈیفنس میں پولیس اہلکار کا قتل: ملزم کی گاڑی ایئرپورٹ کے قریب سے برآمد

ڈیفنس میں پولیس اہلکار کا قتل: ملزم کی گاڑی ایئرپورٹ کے قریب سے برآمد

کراچی کے علاقے ڈیفنس میں ایک روز قبل پولیس اہلکار عبدالرحمٰن کے قتل کیس میں اہم پیش رفت ہوئی ہے، ملزم جس گاڑی میں فرار ہوا وہ ایئرپورٹ کے قریب سے برآمد کر لی گئی۔

پولیس اہلکار کا قتل: ملزم خرم نثار کے برادر نسبتی کا بیان سامنے آگیا

عامر قادر نے کہا کہ خرم نے مجھے کہا کے آج ہی ملک سے باہر جانا ہے، خرم کی پہلے بھی دشمنی تھی میں نے سمجھا وہی معاملہ ہوگا۔

تفتیشی حکام کا کہنا ہے کہ گاڑی سے واردات میں استعمال کیا گیا پستول بھی برآمد ہوا ہے، جس گاڑی میں واردات کی اس کی نمبر پلیٹس بھی برآمد کرلی گئی ہیں۔

حکام کا کہنا ہے کہ اب تک ملزم کے گھر اور گاڑی سے 4 ہتھیار برآمد کیے جاچکے ہیں، ملزم کے گھر سے 30 بور پستول، شارٹ گن، ایئر گن بھی برآمد کی گئی۔

تفتیشی حکام کا کہنا ہے کہ گاڑی گرفتار ملزم عامر قادر کی نشاندہی پر برآمد کی گئی۔

واضح رہے کہ 21 اور 22 نومبر کی درمیانی شب کراچی کے علاقے ڈیفنس فیز 5 میں 26 اسٹریٹ پر کار سوار ملزم خرم نثار نے فائرنگ کر کے شاہین فورس کے اہلکار عبدالرحمٰن کو قتل کر دیا تھا۔

قومی خبریں سے مزید

Original Article

Leave a Reply

Your email address will not be published. Required fields are marked *