Categories
Breaking news

ڈاکٹر عدنان نے نوازشریف کی تصدیق شدہ میڈیکل رپورٹس جاری کردیے

Advertisement

ڈاکٹر عدنان نے نوازشریف کی تصدیق شدہ میڈیکل رپورٹس جاری کردیے

نوازشریف کے ذاتی معالج ڈاکٹر عدنان نے سابق وزیراعظم کی تصدیق شدہ میڈیکل رپورٹس جاری کردیں۔

سماجی رابطے کی ویب سائٹ ٹوئٹر پر شیئر کی گئیں رپورٹس سے متعلق ڈاکٹر عدنان کا کہنا ہے کہ نوازشریف کوعلاج کیلئے لندن میں ہی رہنےکا مشورہ دیا گیا ہے۔

Advertisement

ڈاکٹرعدنان کا کہنا ہے کہ نوازشریف کو کورونا وبا کے دوران سفر کرنے سےمنع کیا گیا ہے۔ نوازشریف کی میڈیکل رپورٹس انکی صحت اور زندگی کولاحق خطرات کی نشاندہی کرتی ہیں۔

Former PM #NawazSharif’s recent medical summaries from UK & USA, notorised & attested, were submitted in Hon'ble IHC.
Mr. Sharif is advised to stay in London, UK for ongoing treatment & planned interventions (Coronary/Carotid) & to avoid travel amidst #COVIDー19 Pandemic.
1/3 pic.twitter.com/1EpWRki1OP

— Dr. Adnan Khan (@Dr_Khan) September 15, 2020

ڈاکٹرعدنان نے کہا ہے کہ نوازشریف کو امراض قلب کی پیچیدگیوں کےعلاج کیلئے پروسیجرکی ضرورت ہے۔ نوازشریف کو کورونا ہائی رسک مریض ہونے کی وجہ سے انفیکشن کا خطرہ ہے۔ کورونا ہائی رسک مریض ہونے پر نواز شریف کا پروسیجر اب تک نہیں کیا جاسکا ہے۔

خیال رہے کہ آج اسلام آباد ہائی کورٹ نے نواز شریف کی درخواستیں مسترد کرتے ہوئے ناقابل ضمانت وارنٹ جاری کر دیے ہیں۔

اسلام آباد ہائی کورٹ میں نواز شریف کی العزیزیہ ریفرنس میں سزا کے خلاف اپیل پر سماعت دو رکنی بینچ نے کی۔

عدالت نے وکیل خواجہ حارث سے استفسار کیا کہ کیا اشتہاری ہوتے ہوئے نواز شریف کی اپیل سنی جا سکتی ہے؟ جسٹس عامر فاروق نے کہا کہ اگر نواز شریف کی عدم حاضری پر اپیل سنی جا سکتی ہے تو پھر نیب کو بھی سن لیتے ہیں۔

جسٹس عامر فاروق نے استفسار کیا کہ عدالت میں درخواست کیوں دائر کی گئی؟ ابھی توطے کرنا ہے کہ کیا نواز شریف کی درخواست سنی بھی جا سکتی ہے یا نہیں؟

جسٹس عامر فاروق نے کہا کہ پریس میں ایک بات غلط رپورٹ ہوئی کہ اپیلوں پر سماعت کی بات کی گئی۔ ہم صرف نواز شریف کی متفرق درخواستوں پر سماعت کی بات کر رہے ہیں۔

نوازشریف کے وکیل خواجہ حارث نے دلائل کے دوران مؤقف اپنایا کہ نواز شریف کو دوسری عدالت نے اشتہاری قرار دے دیا ہے اور بغیر سنےاشتہاری قرار دیا گیا۔

عدالت نے خواجہ حارث سے استفسار کیا کہ جب کوئی اشتہاری قرار دے دیا جائے تو کیا ضمانت منسوخی کی الگ ضرورت ہے؟ کیا اشتہاری قرار دیئے گئے ملزم کی درخواست سن سکتے ہیں؟

عدالت نے کہا کہ ابھی نیب کی نواز شریف کی ضمانت منسوخی کی درخواست التوا میں رکھ رہے ہیں۔ اگر نواز شریف کی درخواستیں قابل سماعت قرار دیں تو اس کو سنیں گے۔

خواجہ حارث نے عدالت کو بتایا کہ نواز شریف فی الحال عدالت میں پیش نہیں ہو سکتے۔

Advertisement

Leave a Reply

Your email address will not be published. Required fields are marked *